دس ارب ہرجانہ کیس،اضافی دستاویزات پر فیصلہ محفوظ
اسلام آباد ہائیکورٹ ، سابق وزیر اعظم کا خواجہ آصف کیخلاف دس ارب ہرجانہ کیس ،خواجہ آصف کی اضافی دستاویزات جمع کرانے کی درخواست منظور کئے جانے کیخلاف درخواست پر فیصلہ محفوظ کرلیا گیا،
چیف جسٹس اسلام آباد ہائیکورٹ جسٹس عامر فاروق نے دلائل سننے کے بعد فیصلہ محفوظ کیا،سابق وزیر اعظم کی طرف سے بیرسٹر ولید اقبال عدالت میں پیش ہوئے، وکیل خواجہ آصف نے عدالت میں کہا کہ خواجہ آصف نے کچھ دستاویزات دیں اور ترمیم کی، شوکت خانم سے متعلق دستاویزات ہیں ،چیف جسٹس عامر فاروق نے ریمارکس دیتے ہوئے کہا کہ کیا یہ دستاویزات دوران جرح سامنے آئی تھیں ، وکیل خواجہ آصف نے کہا کہ میں اس پر تفصیل سے آتا ہوں پہلے سیشن کورٹ کا آرڈر پڑھ لیتے ہیں،وکیل خواجہ آصف نے سیشن کورٹ کا آرڈر پڑھ کر سنایا ،عدالت نے فریقین کے دلائل سننے کے بعد فیصلہ محفوظ کرلیا
مشیر نہیں بلکہ جہنم میں تھی، فردوس عاشق اعوان کی ایک بار پھر گندی گالیاں
فردوس عاشق نے اپنے حلقہ انتخاب میں کیا کارنامہ سرانجام دیا، تہلکہ خیز انکشاف
گزشتہ سماعت پرخواجہ آصف کے وکیل نے عمران خان سے شوکت خانم کی ہاؤسنگ پروجیکٹ میں سرمایہ کاری سے متعلق جرح کی تھی ، عمران خان نے کہا کہ شوکت خانم کے فنڈز سے نجی ہاؤسنگ پروجیکٹ میں سرمایہ کاری کی گئی،شوکت خانم کے بورڈ کی جانب سے مجھے اس حوالے سے بتایا گیا تھا،اس وقت یاد نہیں کہ ہاؤسنگ پراجیکٹ کا نام کیا تھا،وکیل نے عمران خان سے سوال کیا کہ کیا آپ کو بورڈ کی طرف سے اس حوالے سے تحریری طور پر آگاہ کیا گیا تھا؟عمران خان نے جواب دیا کہ اس وقت یاد نہیں کہ تحریری طور پر آگاہ کیا گیا تھا یا نہیں، جو 3 ملین ڈالرز تھے وہ بورڈ ممبرز کی جانب سے واپس جمع کرا دیئے گئے تھے تو معاملہ ختم ہوگیا ،وکیل خواجہ آصف نے کہاکہ معاملہ ختم نہیں، معاملہ تو وہیں سے شروع ہوتا ہے، جب 3 ملین کی سرمایہ کاری کی گئی اس وقت ڈالر کا ریٹ 60 روپے تھا، جب واپس آئے تو 120 روپے تھا،
