برطانوی شہزادہ ہیری اور ان کی اہلیہ میگھن مارکل کی زندگی پر مبنی ہیری اینڈ میگھن اسکیپنگ دی پیلس کا ٹریلر ریلیز کر دیا گیا ہے۔
باغی ٹی وی :امریکی انٹرٹینمنٹ ادارے لائف ٹائم کی تیار کردہ فلم ہیری اینڈ میگھن اسکیپنگ دی پیلس دراصل برطانوی شہزادے ہیری اور اُن کی اہلیہ میگھن مارکل کی زندگی پر بنائی گئی ہے-
فلم کے ٹریلر میں دکھایا گیا ہے کہ میگھن مارکل شاہی محل سے رخصت ہوتے ہوئے فرش پر گرتی ہیں تو شہزادہ ہیری انہیں سنبھالتے ہیں۔
برطانوی شہزادے ہیری اورمیگھن مارکل کی زندگی پر مبنی فلم امریکہ میں 6 ستمبر کو نمائش کے لیے پیش کی جائے گی لیکن یہ فلم برطانیہ میں کب ریلیز ہو گی تاحال سے کے بارے میں کوئی اعلان نہیں کیا گیا ہے۔
خیال رہے کہ امریکہ کے انٹرٹینمنٹ ادارے لائف ٹائم نے اس سے قبل بھی شہزادہ ہیری اور میگھن مارکل کی زندگی پر منبی تین فلمیں بنائی ہیں لائف ٹائم کی جانب سے 2018 میں ہیری اینڈ میگھن: اے رائل رومانس اور 2019 میں ہیری اینڈ میگھن: بیکمنگ رائل نامی فلمیں ریلیز کی گئی تھیں۔
