شادی مبارک : حسن علی کی سامعیہ آرزو سے شادی کی آرزو پوری ہوگئی ، پہلی اننگز دوبئی میں
دبئی: بالآخر افواہیں دم توڑ گئیں ، پاکستان قومی کرکٹ ٹیم کے فاسٹ بولر حسن علی اور سامعیہ آرزو رشتہ ازدواج میں منسلک ہوگئے۔ نکاح کے بعد نئے جوڑے نے اسٹیج پر فوٹو سیشن کرایا۔نکاح کے موقع پر حسن علی نے کالی شیروانی اور سامعیہ آرزو نے سرخ رنگ کا عروسی جوڑا زیب تن کیا ہوا تھا۔
ذرائع کے مطابق حسن علی کے نکاح کی تقریب دبئی میں منعقد ہوئی جس میں اہل خانہ، دوستوں سمیت کرکٹر شاداب خان نے شرکت کی، حسن علی اور سامعیہ آرزو کو سب نے دعائیں دیں اور اہل خانہ سمیت تمام شرکا نے مبارک باد پیش کی۔حسن علی کے گھروالوں کی طرف سے کہا گیا ہے کہ حسن علی 22 اگست کو وطن واپسی کا پلان ہے، نکاح کے بعد باقاعدہ رخصتی دو سے تین ماہ بعد ہوگی، ولیمے کی تقریب پاکستان میں ہوگی۔
The Indian bride, #SamiyaArzoo, makes her way to dinner after the Nikah ceremony in Dubai with Pakistani cricketer #HasanAli.-Supplied video pic.twitter.com/NnwVmTDi4f
— Khaleej Times (@khaleejtimes) August 20, 2019
نکاح کے بعد گفتگو کرتے ہوئے حسن علی کا کہنا تھا کہ زندگی کی نئی اننگز شروع کرنے پر خوش ہوں، نکاح پاکستان میں ہوتا تو اور بھی زیادہ مزہ آتا، سامعیہ کو کرکٹ پسند نہیں ہے، ان کا پسندیدہ کرکٹر بھی میں ہی ہوں۔
Pakistani cricketer Hasan Ali’s mother makes her way to dinner at the wedding ceremony.
Wedding details: https://t.co/dNSlnnQXK7
Video by Sarwat Nasir/Khaleej Times pic.twitter.com/UxMY9ZosJx— Khaleej Times (@khaleejtimes) August 20, 2019
دوسری طرف حسن علی کی شادی کی مبارک باد کا سلسلہ ٹویٹ کے ذریعے جاری ہے ، کرکٹر شاداب خان نے سماجی رابطے کی ویب سائٹ ٹویٹر پر حسن علی کو شادی کی مبارک باد دیتے ہوئے لکھا کہ میرے دوست حسن علی کی شادی ہے، دعا ہے کہ تم اور بھابھی ہمیشہ خوش رہو۔
Mere yaar @RealHa55an ki shaadi. Meri dua hai ke tum aur bhabi hamesha khush raho. Have a great married life my brother. pic.twitter.com/BAjK4UimWq
— Shadab Khan (@76Shadabkhan) August 20, 2019
اس شادی کی خوشی پر بھارتی ٹینس اسٹار اور کرکٹر شعیب ملک کی اہلیہ ثانیہ مرزا نے زندگی کا نیا سفر شروع کرنے پر حسن علی کو مبارک باد دیتے ہوئے نیک خواہشات کا اظہار کیا تھا۔
یاد رہے کہ حسن علی بھارتی لڑکی سےشادی کرنے والے چوتھے پاکستانی کرکٹر ہیں، اس سے قبل ظہیر عباس، محسن حسن خان اور شعیب ملک بھارتی لڑکیوں سے شادی کرچکے ہیں۔