حضرت مولوی قادر بخش گولہ کے صد سالہ عرس کی تقریبات
درگاہ حضرت مولوی قادر بخش گولہ ضلع صحبت پور بلوچستان میں بلوچستان کی مشہور بزرگ ہستی اور صوفی شاعر حضرت مولوی قادر بخش گولہ کے سالانہ عرس کی مناسبت سے صد سالہ تقریبات کا انعقاد کیا گیا جس میں محفل سماع/ محفل موسیقی اور عوامی تفریحی تقاریب کے ساتھ ساتھ محفل مشاعرہ کا انعقاد بھی کیا گیا ۔ صد سالہ عرس کی مناسبت سے "_انجمن دوستان ادب” کے زیر اہتمام اور میلہ کمیٹی کے زیر نگرانی بین الصوبائی محفل مشاعرہ منعقد ہوئی جس کی صدارت قادر بخش خاکی نے کی جبکہ مہمان خصوصی آغا نیاز مگسی اور اعزازی مہمان نصیب الله نصیب تھے۔
مشاعرہ کا آغاز حسب دستور تلاوت کلام پاک سے کیا گیا جس کی سعادت حافظ توفیق احمد عطش نے حاصل کی جبکہ بہرام خان شیدا نے حضرت مولوی قادر بخش گولہ کا نعتیہ کلام بارگاہ رسالت ﷺ میں پیش کرنے کی سعادت حاصل کی جس کے بعد محسن چشتی کی خوب صورت نظامت میں مشاعرے کا باقاعدہ آغاز ہوا جن شعراء نے اپنے کلام پیش کیے ان میں قادر بخش خاکی، آغا نیاز مگسی ، نصیب اللہ نصیب ، محمد رفیق طالب، میر حسن میر، ظفر علی رمز ، سرور ساقی ، آصف صمیم، محسن چشتی ، سینگار محسن، نفیس سومرو، گل میر گل پندرانی، محمود خان فدا کھوسہ ، محبوب علی تاج، حسن علی حسن، ابوبکر آزاد ، الله ورایو انجم، علی محمد آسی، حافظ توفیق احمد عطش اور عامر علی آس شامل تھے ۔
مشاعرہ کے اختتام پر درگاہ مولوی قادر بخش کی میلہ کمیٹی کی جانب سے صد سالہ عرس کی تقریبات کے مہمان خصوصی میر طارق علی خان کھوسہ کے ہاتھوں ضلع صحبت پور کے معروف بزرگ شاعر محمد رفیق طالب کا شعری مجموعہ مشاعرہ میں شریک تمام شعراء کو بطور تحفہ پیش کیا گیا اور اعزازی سند بھی عطا کی گئی ۔ تقریب میں میلہ کمیٹی کے چیئرمین حاجی فضل کریم کھوسہ ،سرپرست بابے محمد علی کھوسہ اور درگاہ حضرت مولوی قادر بخش کے سجادہ نشین فقیر محمد صدیق گولہ نے خصوصی طور پر شرکت کی ۔
مزید یہ بھی پڑھیں؛
عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
مکیش امبانی کے ڈرائیورز کی تنخواہ کتنی؟ جان کردنگ رہ جائیں
سعود ی عرب :بچوں سے زیادتی کے مجرم سمیت 2 ملزمان کو سزائے موت
آخر میں درگاہ کے سجادہ نشین نے ملک کے امن و سلامتی اور وفات پانے والے شعراء استاد عاشق بلوچ اور پروفیسر منظور وفا کی مغفرت کیلئے خصوصی دعا مانگی۔ حضرت مولوی قادر بخش گولہ رحمت اللہ علیہ کے عرس کی صد سالہ تقریبات کو پر امن اور یقینی بنانے کیلئے سیکورٹی کے خصوصی انتظامات کیے گئے تھے جس کیلئے میلہ کمیٹی کی جانب سے ڈی آئی جی نصیر آباد رینج ،ایس ایس پی صحبت پور اور ایس ایچ او صحبت پور کا شکریہ ادا کیا گیا اور ڈیوٹی پر مامور پولیس افسران کو خراج تحسین پیش کیا گیا ۔
Leave a reply
باغی ٹی وی پر شائع ہونے والی تمام خبریں ذرائع سے مصدقہ اور حقائق پر مبنی ہیں کسی بھی خبر کی تردید و توثیق ادارے کی طرف سے بروقت شائع کر دی جاتی ہے۔ باغی ٹی وی حق اور انصاف کے بول کے ساتھ درستگی اور اصلاح کے صحافتی اصول و ضوابط پر کاربند ایک ادارہ ہے.