اسلام آباد: وفاقی وزیر صحت عبد القادر پٹیل نے ائیرپورٹس پر مسافروں کی اسکریننگ فی الحال شروع نہ کرنے کی ہدایت کر دی ۔
باغی ٹی وی :سول ایوی ایشن اتھارٹی نے پاکستان میں اومیکرون کی نئی قسم کے پہلے کیس کی نشاندہی کے بعد سعودی عرب سمیت تمام خلیجی ممالک سے آنے والے مسافروں کی اسکریننگ کا فیصلہ کیا تھا-
شمالی کوریا میں پہلے کورونا کیس کی تصدیق ، ملک میں نشینل ایمرجنسی نافذ
پاکستان میں اومیکرون کی نئی قسم کا پہلا کیس رپورٹ ہونے کے بعد سول ایوی ایشن اتھارٹی اور سینٹر فار ڈیزیز کنٹرول نیشنل انسٹیوٹ آف ہیلتھ نے بین الاقوامی ہوائی اڈوں پراسکریننگ کے انتظامات مکمل کرلیےتھے اقدامات وزیر صحت کی ہدایات کی روشنی میں عمل میں لائے گئے جس کے تحت سعودی عرب سمیت تمام خلیجی ریاستوں سے آنے والوں کی اسکریننگ کی جائے گی۔
سی اے اے کی جانب سےجاری اعلامیےمیں کہاگیاتھا کہ اسکرینگ کا عمل آج 12 بج کر 1 منٹ پراسلام آباد،لاہوراورکراچی کے ایئرپورٹس پر شروع کردیا جائے گا، جس کا مقصد اومیکرون کی نئی قسم کا پتہ چلانا ہےریپڈ اینٹیجن ٹیسٹ کے ذریعے محدود رینڈم اسکریننگ ہوگی۔
کرونا کی نئی قسم، وزیراعظم کا این سی او سی بحال کرنے کا حکم
ایئرپورٹ حکام کا کہنا تھا کہ ابتدا میں 150 افراد تک کے حامل چھوٹے طیاروں کے مسافروں میں سے 10 سے 15 مسافروں کے ٹیسٹ ہونگے جبکہ 250 یا اس زائد مسافروں کےحامل بڑے طیاروں کی صورت میں 15 سے 20 مسافروں کے ریپڈ سکرینگ ٹیسٹ ہوں گے۔
ترجمان سول سوی ایوی ایشن اتھارٹی کا کہنا تھا کہ سکرینگ کے لیے ریپڈ اینٹیجن ٹیسٹوں کا عمل سینٹر فار ڈیزیز کنٹرول کے آئندہ احکامات ملنے تک جاری رہے گا-
تاہم اب وفاقی وزیر صحت عبد القادر پٹیل کی جانب سے قومی ادارہ صحت کے فیصلے پر عمدرآمد نہ کرنے کی ہدایت کی گئی ہے۔