شدیددھندسیالکوٹ میں اترنے والی پروازیں لاہور ایئرپورٹ پر اتار دی گئیں

سیالکوٹ(نمائندہ باغی ٹی وی شاہدریاض)سیالکوٹ انٹرنیشنل ایئرپورٹ پر اترنے والی چار پروازیں موسم کی خرابی کے باعث لاہور ایئرپورٹ پر اتار دی گئیں۔

دھند کے باعث سیالکوٹ سے دبئی، بحرین، شارجہ،جانے والی چار پرواز منسوخ کر دی گئیں، منسوخ ہونے والی پروازوں میں دبئی جانے والی Ek 2115 ، بحرین جانے والی پرواز GF77 اور GF 769 اور شارجہ جانے والی پرواز G9 553 شامل ہیں۔

جدہ جانے والی پرواز Pk 745 اب لاہور سے آپریٹ ہو گی، دبئی جانے والی پرواز Ek 619 بھی تاخیر کا شکار ہو گئی۔

علاوہ ازیں سیالکوٹ ایئرپورٹ پر اترنے والی 4 پروازیں شدید دھند کے باعث لاہور ایئرپورٹ پر اتار دی گئیں۔