لاہوردس کھلاڑیوں پر مشتمل ہائی پرفارمنس کیمپ،لاہور میں شروع ہوگیاہے،اطلاعات کےمطابق17دسمبر سے شروع ہونے والا ہائی پرفارمنس کیمپ تین ہفتے تک نیشنل کرکٹ اکیڈمی لاہور میں جاری رہے گا۔
پاکستان کرکٹ بورڈ ذرائع کے مطابق اس خصوصی کیمپ کی نگرانی ڈائریکٹر میڈیسن اینڈ اسپورٹس سائنسز پی سی بی ڈاکٹر سہیل سلیم کریں گے۔ ہائی پرفارمنس کیمپ میں شریک تمام کھلاڑیوں نے این سی اے میں رپورٹ کردی ہے۔
ذرائع کے مطابق اس کیمپ میں شامل ہونے والے کھلاڑیوں میں احسان علی، عاکف جاوید،بلاول بھٹی، حسن علی، رضوان حسین،ظفر گوہر،راحت علی،عماد وسیم،محمد حسنین اورعثمان قادرآلراوٴنڈر فہیم اشرف(سنٹرل پنجاب) کی کیمپ میں شرکت کا فیصلہ قائداعظم ٹرافی کے فائنل کے بعد کیا جائے گا۔
ایونٹ کا فائنل 27سے 31 دسمبر تک سنٹرل پنجاب اور ناردرن کی ٹیموں کے درمیان کھیلا جائے گا۔تین ہفتوں پر مشتمل کیمپ کے دوران تمام کرکٹرز، این سی اے کے ٹرینرز اور فزیوز کے ساتھ ون آن ون سیشن میں شرکت کریں گے۔ اس دوران کھلاڑی بیٹنگ اور باوٴلنگ پریکٹس بھی کریں گے۔
