ہندوتوا کا نظریہ مسلمان سمیت دیگر اقلیتوں کے خلاف ہے ،وزیراعظم
باغی ٹی وی کی رپورٹ کے مطابق وزیراعظم عمران خان نے مہمند میں جلسے سے خطاب کرتے ہوئے کہا کہ شاندار استقبال پر قبائلی عوام کا شکریہ اداکرتا ہوں،بھارتی فورسز نے کشمیری عوام کو 7ماہ سے گھروں میں بند کررکھا ہے، کشمیری عوام کو پیغام دینا چاہتا ہوں کہ ساری پاکستانی قوم آپ کے ساتھ ہے،اللہ نے مشکل وقت میں صبر کو انسان کی بہترین صفت کہا ہے،دعا ہے اللہ کشمیریوں کو مشکل وقت میں صبر کرنے کی توفیق دے،دعا ہے آنے والے دنوں میں کشمیریوں کو ظلم سے آزادی ملے،
وزیراعظم عمران خان نے مزید کہا کہ دنیاسے کہہ رہا تھا مودی کی حکومت انتہاپسند ہے ،پوری دنیا نے دہلی میں غریب مسلمانوں پر ظلم دیکھا،بھارتی حکومت کے مظالم کی سخت مذمت کرتے ہیں،ہندوتوا کا نظریہ مسلمان سمیت دیگر اقلیتوں کے خلاف ہے،
وزیراعظم عمران خان کا مزید کہنا تھا کہ پاکستان نے مسلم دنیا میں مثال بننا تھا،پاکستان نے ریاست مدینہ کے اصولوں پر چلنا تھا،ریاست مدینہ نےپیچھے رہ جانے والے انسانوں کو اوپر اٹھانے کی ذمہ داری لی،احساس پروگرام متعارف کروا کر پیچھے رہ جانے والوں کی ذمہ داری لی ہے،قبائلی علاقوں میں تعلیم اور صحت کا نظام سب سے برا،نوکریاں بھی نہیں ملتیں ،دہشت گردی کےخلاف جنگ میں سب سےزیادہ نقصان قبائلی عوام کو ہوا،اب قبائلی علاقوں میں ترقی لانے کا موقع ہے،قبائلی علاقوں کے عوام کو اوپراٹھا کرترقی یافتہ پاکستانی شہروں سے ملانا ہے،یہ سیاسی تقریر نہیں، میرا دینی فرض ہے،چین دنیا میں سب سے تیزی سے اوپر جارہاہے،چین نے30سال میں 70کروڑ لوگوں کو غربت سے نکالاچین نے فیصلہ کیا غریب عوام پر پیسہ خرچ کرنا ہے ،چینی حکومت سے پوچھا غریب عوام کو اوپر اٹھانے کےلیے کیا اقدامات کیے،چینی حکومت نے غریب عوام کےلیے انڈسٹریاں لگائیں،جس قوم میں انسانیت اورعدل وانصاف ہوا اللہ اسےاوپر اٹھا لےگا،اللہ نے پاکستان میں نعمتوں کی بارش کررکھی ہے،پاکستان میں بے پناہ معدنیات اور 12موسم ہیں ،مہمند میں بہترین زیتون کی پیداوار ہوتی ہے،قبائلی علاقے میں صحت احساس پروگرام لارہے ہیں
بھارت کی ایک اور جھوٹی کہانی بے نقاب، ڈی جی آئی ایس پی آر نے کی باغی ٹی وی کی خبر کی تصدیق
بھارت ایک اور ڈرامہ رچانے میں مصروف، 26/11 طرز کے حملے کا الرٹ جاری
بھارتی آرمی چیف کا جھوٹ ایک بار پھر بے نقاب،بھارت نے کی راہ فرار اختیار
پاک فوج کا دہشت گردوں کے خلاف آپریشن، دو دہشت گرد ہلاک، پاک فوج کا کرنل مجیب شہید
وزیراعظم عمران خان نے مزیدکہا کہ قبائلی نوجوانوں کوکاروبارکے لیے قرضے بھی فراہم کریں گے،قبائلی علاقے کے ڈھائی ہزار طلبہ کو اسکالرشپس دیں گے،روزگار کے لیےمہمند میں انڈسٹریل اسٹیٹ لگائیں گے،مہمند کے عوام کو مہمند ڈیم سے پانی فراہم کریں گے ،جانتا ہوں قبائلی علاقے پر کیسا وقت گزرا،میرے علاوہ کوئی قبائلی عوام کےلیے آواز نہیں اٹھاتا تھا،اب قبائلی عوام کے نمائندے اسمبلیوں میں موجود ہیں،دل سے دعا ہے کہ افغانستان میں امن ہو،
