![hira khan](https://baaghitv.com/wp-content/uploads/2023/09/hira-khan-905x613.jpg)
اداکارہ حرا خان جو کہ سوشل میڈیا پر کافی متحرک رہتی ہیں انہوں نے گزشتہ دنوں انسٹاگرام پر سوال و جواب کا ایک سیشن رکھا. وہ سمجھ رہی تھیں کہ ان سے ان کے کیرئیر کے حوالے سے سوالات کئے جائیں گے لیکن ایسانہ ہو سکا. حرا خان نے سوال و جواب کے سیشن میں ہونے والے چند ایک سوالات کے سکرین شارٹ لیکر اپنی سٹوری میں شئیر کئے . جس کا کیپشن انہوں نے کچھ یوں لکھا. انہوں نے لکھا کہ مجھ سے اس قسم کے سوالات کئے گئے ، آپ کا بیڈ روم کیسا ہے ، سسرال کی طرف سے شادی پر کونسے تحائف ملے ، وہ دکھائیے، اس قسم کے سوالات کسی معروف شخصیات سے چھوڑئیے کسی بھی نوبیاہتا جوڑے سے نہیں کئے جانے چاہیں.
”کسی سے سوال کرنے کے بنیادی کچھ آداب ہوتے ہیں جن سے بہت سارے لوگ ناواقف ہیں”. انہوں نے کہا کہ کسی کی ذاتی زندگی کے حوالے سے لوگ سوال کر کیسے لیتے ہیں. میں بہت حیران ہوں. یاد رہے کہ حرا خان کی کچھ عرصہ پہلے شادی ہوئی اور ان کی شادی سوشل میڈیا پر کافی چرچا میںرہی. حرا خان ایک بہترین اداکارہ ہیں اور ان کے کریڈٹ پر کم مگر معیاری کام ہے.