ارطغرل غازی کے سحر میں مبتلا حرا مانی حلیمہ سلطان بن گئیں

پاکستان شوبز انڈسٹری کی نامور اداکارہ حرا مانی نےترک سیریز کے شہرہ آفاق کردار ’حلیمہ سلطان‘ کا روپ اختیار کرلیا۔

باغی ٹی وی : گزشتہ برس اپریل کو پاکستانی وزیراعظم عمران خان کی ہدایات پر ترک ڈرامہ سیریل دیریلش ارطغرل کو اردو میں ڈب کر کے پاکستان ٹیلیویژن پر ارطغرل غاشی کے نام سے نشر کیا جا رہا ہے ڈرامے اور اس کے کرداروں نے نہ صرف عوام بلکہ سیاسی، سماجی اور شوبز شخسیات کو اپنے سحر مین جکڑا ہوا ہے جس میں پاکستانی اداکارہ حرا مانی کی فیملی بھی شامل ہے-

ترک ڈرامہ سیریل سے محبت کا اظہار حرا مانی نے ڈرامے کی مرکزی کردار حلیمہ سلطان کا روپ اختیار کیے ایڈیٹ شدہ تصاویر جاری کر کے کیا-

حرا مانی نے اپنی انسٹاگرام اسٹوری میں ’حلیمہ سلطان‘ سے ملتی جلتی تصاویر شیئر کیں جسے دیکھ کر مداح حیران رہ گئے۔

ایک اور تصویر میں حلیمہ سلطان کے مخصوص ہرے لباس میں حرا مانی کی ایڈیٹ کی گئی تصویر بھی شیئر کی گئی ہے۔

پرستاروں کی جانب سے ایڈیٹ کی گئی تصاویر میں حرا مانی کی سیریز سے محبت بیان کی گئی ہے کیونکہ آج کل وہ اور ان کے بچے اس ڈرامے کے حوالے سے ذکر کرتے دکھائی دیتے ہیں۔