ہمارے پاس عورتوں کے ساتھ کھڑے ہونے والے اور اُن کی حفاظت کرنے والے مرد بھی موجود ہیں اقرا عزیز

پاکستان شوبز انڈسٹری کی معروف اداکارہ اقرا عزیز حسین کا کہنا ہے کہ ہمارے پاس عورتوں کے ساتھ کھڑے ہونے والے اور اُن کی حفاظت کرنے والے مرد بھی موجود ہیں۔

باغی ٹی وی : سماجی رابطے کی ویب سائٹ انسٹاگرام پر اداکارہ اقرا عزیز نے اپنے شوہر اداکار و میزبان یاسر حسین کی ایک تصویر پوسٹ کی جس میں اداکار ملک میں جنسی زیادتی کے واقعات کی روک تھام کے لیے پوسٹر بناتے نظر آرہے ہیں۔
https://www.instagram.com/p/CFHfSydAWtj/
اقرا عزیز کی جانب سے پوسٹ کی جانے والی تصاویر میں یاسر حسین نے پوسٹرز میں لکھا تھا کہ مردوں مرد بنو اور ’Stop Rape‘

اداکارہ نے اپنی اس پوسٹ کے کیپشن میں فخریہ انداز میں لکھا کہ مجھے میرے شوہر کو یہ سب کرتے دیکھ کر فخر محسوس ہو رہا ہے کہ اُنہوں نے اس پُرامن احتجاج کے لیے پہل کی اور پھر ایک طویل برادری کو جنسی زیادتی کے خلاف آواز اُٹھانے کے لیے اکٹھا کیا۔

اُنہوں نے لکھا کہ یاسر کی اس جدوجہد کو دیکھ کر میں اب بھی اس بات پر یقین رکھتی ہوں کہ ہمارے پاس عورتوں کے ساتھ کھڑے ہونے والے اور اُن کی حفاظت کرنے والے مرد بھی موجود ہیں۔

واضح رہے کہ گزشتہ روز کراچی پریس کلب کے باہر شوبز فنکاروں کی ایک بڑی تعداد نے جنسی زیادتی کی روک تھام کے لیے کیے گئے پُرامن احتجاج میں شرکت کی تھی جن میں اداکارہ ماہرہ خان ، سارہ خان ، علی رحمن خان ، عائشہ عمر ، یاسر حسین ، اعجاز اسلم ،ثروت گیلانی، وجاہت رؤف ، حسن حیات خان اور دیگر کئی مشہور شخصیات شامل تھیں-

موٹر وے زیادتی کیس:شوبز فنکاروں کا کراچی پریس کلب کے سامنے احتجاج

اب مزید ناانصافی برداشت نہیں ہوگی اب جنسی زیادتی کے خلاف آواز بُلند کرنے کا وقت آگیا ہے سونیا…