ہماری قوم ارطغرل ڈرامے کو حقیقت جبکہ کورونا کو ڈرامہ سمجھ رہی ہے فیصل قریشی

پاکستان شوبز انڈسٹری کعے معروف اداکار و میزبان فیصل قریشی نے پاکستانی عوام پر تنقید کرتے ہوئے کہا کہ ہماری قوم ارطغرل ڈرامے کو حقیقت جبکہ کورونا کو ڈرامہ سمجھ رہی ہے-

باغی ٹی وی : سوشل میڈیا ویب سائٹ انسٹاگرام پر فیصل قریشی نے اسٹوریز شئیر کیں جن میں لکھا کہ یہ سچ ہے کہ ہم وہ قوم ہیں جو کورونا وائرس کو تو ایک ڈرامہ لگتا ہے لیکن ہم ارطغرل ڈرامےکو حقیقت سمجھتے ہیں۔

فیصل قریشی نے اپنے اگلی انسٹاگرام اسٹوری میں وضاحت دیتے ہوئے کہا کہ میں نے اپنی انسٹاگرام اسٹوری میں جو کہا ہے اس میں ارطغرل غازی ڈرامہ کے کرداروں کے بارے میں بات ہو رہی ہے-

انہوں نے اپنی ایک اور انسٹاگرام اسٹوری میں پاکستان میں کورونا وائرس کیسز کے اعدادو شمار شیئر کئے اور آخر میں لکھا کہ نظر انداز کرنے کے لیے آپ سب کا بہت شکریہ۔

شوبز شخصیات کے بعد سیاسی شخصیات بھی ارطغرل غازی کو پی ٹی وی پر نشر کرنے پر منقسم