اجزاء:
بکرے کا گوشت آدھا کلو
دیگی لال مرچ 2عدد
ثابت دھنیا 1 کھانے کا چمچ
نمک حسب ذائقہ
دہی آدھی پیالی
گرم مصا لحہ پسا ہوا آدھا چائے کا چمچ
ادرک لہسن پیسٹ 1 کھانے کا چمچ
بادام 4 یا 5 عدد
پیاز 3عدد چھوٹا سائز
چھوٹی الائچی 4-3 عدد
سیاہ زیرہ آدھا چائے کا چمچ
آئل یا گھی آدھی پیالی
عرق گلاب 6-5 قطرے
یا
زعفران 1 چٹکی
ہرا دھنیا اور مرچ گارنش کے لیے
ترکیب:
دیگی لال مرچ اور ثابت دھنیا کو ملا کر باریک چٹنی بنالیں چھوٹی الائچی اور سیاہ زیرہ کو اکٹھا پیس لیں باداموں کو گرم پانی میں بھگو کر چھیل لیں اور کاٹ لیں پھر ایک دیگچی میں آئل ےا گھی ڈال کر گرم کریں اور اس میں پیاز ڈال کر فرائی کریں جب پیاز گولڈن براؤن ہو جایئں تو نکال کر اخبار پر پھیلا دیں تا کہ ٹھنڈے ہو کر کرسپی ہو جایئں ایک باؤل میں گوشت پسی لال مرچ اور دھنیا کی چٹنی نمک اور گرم مصالحہ ڈال کر مکس کریں اور گھی میں ڈال دیں ساتھ میں پیاز کو ہاتھ سے کرش کر کے ملا دیں اچھی طرح چمچ سے ہلا کر ڈھک دیں اور ہلکی آنچ پر پکنے دیں جب گوشت گل جائے اور اسکا پانی سوکھ جائے تو ہلکا سا بھون کر ایک پیالی گرم پانی ڈال دیں اورپکنے دیں جب گھی اوپر آنے لگے تو پسی ہوئی الائچی اور سیاہ زیرہ شامل کردیں پھر عرق گلاب یا زعفران اور بادام ڈال کر قورمہ 10 منٹ کے لیے دم پر رکھ دیں 10 منٹ بعد قورمہ تیا ر ہے سبز اور دھنیا سے ہلکا سا گارنش کر لیں مزیدار شاہی قورمہ تیار ہے-
