ہر گزرتے سال آزادی کی قدر اور اہمیت سمجھ آ رہی ہے ،جشن آزادی پر شوبز شخصیات کے پیغامات

ملک کے 75 ویں یوم آزادی کے موقع پر جہاں سیاسی و سماجی شخصیات نے قوم کو مبارک باد پیش کی، وہیں شوبز شخصیات نے بھی مداحوں کو جشن آزادی کی مبارکبادیں دیں اور پیغامات شئیر کئے-

باغی ٹی وی : اداکار عدنان صدیقی نے بھی جشن آزادی کے موقع پر مداحوں کو مبارک باد پیش کرتے ہوئے انسٹا گرام پر جذباتی پیغام شئیر کیا انہوں نے کہا کہ ہر گزرتے سال انہیں آزادی کی قدر اور اہمیت سمجھ آ رہی ہے –

انہوں نے لکھا کہ آزادی کو حاصل کرنے کے لیے ہمارے بزرگوں کی قربانیاں شامل ہیں، اس لیے اس کی قدر کریں اور ملک و قوم کی ترقی کے لیے کردار ادا کریں پاکستان کے فخر کو اپنے دل میں رکھتے ہوئے ، میں آپ سب کو 74 ویں یوم آزادی پر مبارکباد پیش کرتا ہوں ، آپ سے گزارش کرتا ہوں کہ اس دن اور اس کے پیچھے عظمت کی قدر کریں۔

My tribute to our forefathers who sacrificed their lives to give us this glorious gift of freedom. #HappyIndependenceDay! #PakistanZindabad pic.twitter.com/p9hqX0fLmn

— Adnan Siddiqui (@adnanactor) August 14, 2021

دوسری جانب ٹوئٹر پر اپنے پیغام میں عدنان صدیقی نے کہا کہ ہمارے آباؤ اجداد جنہوں نے اپنی جانوں کا نذرانہ دے کر ہمیں آزادی کا یہ شاندار تحفہ دیا انہیں خراج تحسین پیش کرتا ہوں-

Azadee Mubarak Pakistan 🇵🇰 pic.twitter.com/5kTk8C9Cc4

— Shaan Shahid (@mshaanshahid) August 13, 2021

اداکار شان نے سماجی رابطے کی ویب سائٹ ٹوئٹر پر اپنے ٹوئٹ میں یوم آزادی کے موقع پر اپنی تصویر شئیر کرتے ہوئےقوم کو مبارک باد پیش کی۔

اداکارہ و گلوکارہ کومل رضوی نے انسٹاگرام پر قومی پرچم کے ہمراہ اپنی تصویر شیئر کرتے ہوئے قوم کو آزادی کی مبارک باد پیش کی۔

Happy Independence Day to all the people of this beautiful country. May we be able to provide the true meaning of freedom to the women, children & minorities of this country such that they live a life without fear. As an empathic nation, our future will always be brighter. pic.twitter.com/K5ASXrSiTj

— Faysal Quraishi (@faysalquraishi) August 14, 2021

اداکار و میزبان فیصل قریشی نے بھی ٹوئٹر پر قومی پرچم کے ہمراہ اپنی تصویر شیئر کرتے ہوئے قوم کو یوم آزادی کی مبارک باد پیش کرتے ہوئے لکھا کہ اس خوبصورت ملک کے تمام لوگوں کو یوم آزادی مبارک ہو۔ ہم اس ملک کی عورتوں ، بچوں اور اقلیتوں کو آزادی کے حقیقی معانی فراہم کرنے کے قابل ہو جائیں تاکہ وہ بلا خوف زندگی گزار سکیں۔ ایک ہمدرد قوم کی حیثیت سے ہمارا مستقبل ہمیشہ روشن رہے گا۔

اداکارہ نمرہ خان نے بھی انسٹاگرام قوم پرچم کے ہمراہ اپنی پرانی ویڈیو شیئر کرتے ہوئے وطن سے اظہار محبت کرتے ہوئے قوم کو یوم آزادی کی مبارک باد بھی دی اور لکھا کہ اس دن کو منانے کے لیے ہزاروں لوگوں نے اپنی جانیں قربان کی ہیں ان کی قربانیوں کو کبھی نہ بھولیں یوم آزادی مبارک۔

اداکار میکال ذوالفقار نے بھی انستاگرام پرجشن آزادی کے موقع پر انسٹاگرام پر ساحر علی بگا کا ملی نغمہ شیئر کرتے ہوئے قوم کو مبارک باد پیش کی۔

صبا قمر نے بھی یوم آزادی کے موقع پر انسٹاگرام اسٹوری میں قومی پرچم کے ہمراہ اپنی تصویر شیئر کرتے ہوئے قوم کو جشن آزادی کی مبارک باد پیش کی۔

اداکار احمد علی بٹ نے بھی انسٹاگرام پوسٹ میں جشن آزادی کے موقع پر قوم کو مبارک باد پیش کرتے ہوئے اپنے پیغام میں لکھا کہ ملک کو محبت سے تعمیر کریں-

اداکارہ وینا ملک نے سفید لباس میں ملبوس ہوکر ہاتھ میں پاکستان کا جھنڈا تھامے تصاویر شیئر کیں اور لوگوں کو جشن آزادی کی مبارکباد دیتے ہوئے کہا ’’یہ وطن ہمارا ہے ہم ہیں پاسباں اس کے-

اداکار بلال قریشی نے اتنا خوبصورت ملک دینے پر خدا کا شکر ادا کیا اور تمام لوگوں کو آزادی کی مبارکباد دی۔

علاوہ ازیں اداکارہ عائزہ خان ،ماورہ حسین ہانیہ عامر اور صنم چوہدری نے بھی انسٹا اسٹوری پر تمام پاکستانیوں کو یوم آزادی کی مبارکبا د دی۔