حمیرا ارشد کے سابق شوہر کا بھائی 70 لاکھ ہڑپ کر گیا، مقدمہ درج

گلوکارہ حمیرا ارشد جن کا اپنے سابق شوہر کے ساتھ لمبے عرصے تک تنازعہ چلتا رہا اور بالاخر دونوں نے راہیں جدا کر لیں. تازہ اطلاعات کے مطابق گلوکارہ حمیرا ارشد نے اپنے سابق شوہر کے بھائی عقیل بٹ کے خلاف فراڈ کا پرچہ درج کروا دیا ہے.حمیرا ارشد کی جانب سے ایف آئی آر میں کہا گیا ہے کہ عقیل بٹ نے پلاٹ لیکر دینے کے لئے ان سے 70 لاکھ روپے لئے، حمیرا ارشد نے الزام عائد کیا ہے کہ ان کے سابق شوہر احمد بٹ کے بھائی عقیل بٹ نے ان کے ساتھ فراڈ کیا ہے کئی سال گزر جانے کے باوجود نہ پلاٹ ملا ہے نہ ہی 70 لاکھ روپے واپس ملے ہیں.

یاد رہے کہ گلوکارہ حمیرا ارشد اور احمد بٹ کے درمیان طلاق 2019 میں ہوئی تھی اور طے پایا تھا کہ ان دونوں‌ کا بیٹا احمد بٹ کے پاس رہے گا.طلاق کے بعد احمد بٹ امریکہ منتقل ہو گئے تھے.اس جوڑے کی شادی 14 برس رہی اس دوران ان کے درمیان خاصے لڑائی جھگڑے ہوئے، طلاق تک کئی بار بات پہنچی لیکن آخر کار طلاق ہو ہی گئی.حمیرا ارشد طلاق کے بعد سے اب تک مسلسل پاکستان میں ہی قیام پذیر ہیں صرف شوز کی غرض سے بیرون ممالک جاتی ہیں.احمد بٹ ایک ماڈل تھے انہوں‌نے فلموں‌میں بھی کام کیا لیکن ان کا کیرئیر اتار چڑھائو کا شکار ہی رہا دوسری طرف حمیرا ارشد ایک کامیابی گلوکارہ مانی جاتی ہیں جن کا کیرئیر مسلسل کامیابی سے چل رہا ہے.