حوثی باغیوں نے کیاسمندری حملہ
باغی ٹی وی : یمن میں حوثی باغیوں کی جانب سے باب المندب بندرگاہ کےقریب بحیرہ احمر کے جنوب میں سمندر میں بچھائی گئی بارودی سرنگ کے دھماکے میں کم سے کم تین مصری ماہی گیر ہلاک ہوگئے۔
سعودی عرب کی سرکاری نیوز ایجنسی ‘ایس پی اے’ کے مطابق عرب اتحادی فوج نے بھی بحیرہ احمر میں حوثیوں کی طرف سے بچھائی گئی بارودی سرنگ کے دھماکے میں تین مصری ماہی گیروں کی ہلاکت کی تصدیق کی ہے جب کہ تین ماہی گیروں کو بچا لیا گیا ہے۔
عرب اتحادی فوج کے ترجمان کرنل ترکی المالکی نے بتایا کہ گذشتہ بدھ کو دن دو بجے بحیرہ احمر میں حوثیوں کی طرف سے بچھائی گئی بارودی سرنگ کے دھماکے میں ماہی گیروں کی ایک کشتی الٹ گئی تھی جس میں موجود تین ماہی گیر موقع پر ہی جاں بحق ہوگئے تھے۔
واضح رہے کہ حوثی باغی یمنی حکومت اور عرب اتحاد کے خلاف بغاوت کا علم بلندکیے اور ان حملے بھی جاری رکھے ہوئے ہے.
