بالی وڈ اداکار کاجول اور اجے کی بیٹی نیسا دیوگن کا بھلے ہی انسٹاگرام اکائونٹ نہیں ہے لیکن وہ سوشل میڈیا پر پھر بھی خاصی مقبولیت رکھتی ہیں. کاجول اپنی بیٹی نیسا پر کافی فخر کرتی ہیں. حال ہی میں کاجول سے جب پوچھا گیا کہ وہ نیسا کی مقبولیت کے بارے میں کیسا محسوس کرتی ہیں تو انہوں نے کہا کہ مجھے اپنی بیٹی پر بہت زیادہ فخر ہے ، میری بیٹی جہاں بھی جاتی ہے اپنی عزت اور وقار کو دائو پر نہیں لگنے دیتی اور اپنے کام سے کام رکھتی ہے.انہوں نے کہا کہ میری بیٹی ابھی 19 سال کی ہے اور اس عمر میں بھی وہ کافی میچور ہے، میں اپنی بیٹی کی آزادی کا خاص خیال رکھتی ہوں اور اس پر پابندیاں نہیں لگاتی میں اپنی بیٹی کو سپورٹ کرتی ہوں اور ہمیشہ کرتی
رہوں گی. اپنی مرضی کے مطابق زندگی گزارنا اس کا حق ہے اور میں اس کے ساتھ ہوں . میری بیٹی پر میں نے کبھی کوئی پابندی نہیں لگائی لیکن اس کے باوجود وہ میرے مزاج کے خلاف کچھ نہیں کرتی. انہوں نے کہا کہ نیسا اپنے فیصلوں میںآزاد ہے ، جیسے میرے والدین نے مجھے میری زندگی میری مرضی کے مطابق جینے دی میں بھی اپنی بیٹی کواسی طرح آزادی دئیے ہوئے ہوں.
