بھارت اپنی دہشت گردی سے توجہ ہٹانے کیلئے فالس فلیگ آپریشن کر سکتا ہے، عالمی برادری نوٹس لے :عمران خان

اسلام آباد: بھارت کشمیریوں‌ پرہونے والے مظالم سے توجہ ہٹانے کے لیے جھوٹا فلیگ آپریشن کرناچاہتا ہے ،عالمی دنیا نوٹس لے ،باغی ٹی وی کے مطابق وزیراعظم عمران خان نے کہا ہے کہ بھارت کشمیریوں کی جدوجہد کو پاکستان کے ساتھ جوڑ کرفالس فلیگ آپریشن کرنا چاہتا ہے اور اپنی ریاستی دہشتگردی سے دنیا کی توجہ ہٹانا چاہتا ہے،

باغی ٹی وی کے مطابق وزیراعظم نے بھارتی عزائم کو بھانپتے ہوئے خبردار کیا ہےکہ بھارت مقبوضہ کشمیر میں ہونے والے مظالم سے توجہ ہٹانے کےلیے کوئی بھی گھٹیا سے گھٹیا حرکت کرسکتا ہے، وزیراعظم نے عالمی برادری کو خبردار کرتے ہوئے کہا ہےکہ وہ بھارت کے عزائم کا نوٹس لے اورمقبوضہ کشمیر میں بھارت کو مظالم کرنے سے روکے ،

I am reiterating again that a false flag operation is imminent from India in order to divert world attention away from its ongoing genocide in IOJK.

— Imran Khan (@ImranKhanPTI) May 20, 2020

وزیراعظم نے سماجی رابطے کی ویب سائٹ ٹویٹرپرہنگامی پیغام جاری کرتے ہوئے کہا ہےکہ بھارت مقبوضہ کشمیر میں کشمیریوں کا قتل عام کررہا ہےاورظلم وبربیت سے توجہ ہٹانے کے لیے بھارت پاکستان کے خلاف بہت خطرناک عزائم رکھتا ہےاورکسی بھی وقت فالس فلیگ آپریشن کرسکتا ہے ،

15 homes torched by Indian Occupation forces in Srinagar yesterday as 900k security forces subject Kashmiris to brutal oppression. Modi's Hindutva Supremacist Occupation Govt is committing war crimes in IOJK including changing the demography in violation of 4th Geneva Convention pic.twitter.com/18esq9AryE

— Imran Khan (@ImranKhanPTI) May 20, 2020

سماجی رابطے کی ویب سائٹ پراپنے دوسرے پیغام میں کہا ہےکہ ظالم قابض بھارتی افواج نے مقبوضہ کشمیر میں گذشتہ روز 15 مکانات کو نذر آتش کیا گیا ، عمران خان نے کہا کہ 9لاکھ سے زائد بھارتی قابض افواج کشمیریوں کو وحشیانہ ظلم و ستم کا نشانہ بنا رہے ہیں۔ مودی حکومت ہندوتوا کے نظریے کی بالادستی کے لیے مقبوضہ کشمیر میں جنگی جرائم کا ارتکاب کررہی ہے

وزیراعظم نے مزید کہا کہ بھارت مقبوضہ کشمیر کی جغرافیائی حیثیت کو بدلنے کے لیے وہاں ڈومیسائل کے نام پربہت بڑا سازشی کھیل کھیل رہا ہے ، اوریہ سرا سر جنیوا کنونشن کی خلاف ورزی ہے

یاد رہےکہ اس سے پہلے اتوار کو بھی سماجی رابطے کی سائیڈ ٹوئٹر پر اپنے پیغام میں وزیر اعظم عمران خان نے کہا کہ مودی نے قبضے کے ذریعے کشمیریوں کو حق خودارادیت سے محروم کیا، مودی سرکار کشمیریوں پر پیلٹ گنز کا استعمال کرکے غیر انسانی سلوک کررہی ہے۔

مقبوضہ جموں و کشمیر کے حوالے سے مودی کا RSS سے متاثرہ نظریہ نہایت واضح ہے: اولاً مقبوضہ خطے پر غیر قانونی قبضے کے ذریعے اہلِ کشمیر کو حق خودارادیت سے محروم کیا جائے۔ثانیاً ایک سہ-شاخہ حکمت عملی کے ذریعے ان سے کمتر انسانوں کا سا برتاؤ کیا جائے

— Imran Khan (@ImranKhanPTI) May 17, 2020

ان کا کہنا تھا کہ نریندر مودی کشمیریوں کوحق خودارادیت سے محروم کرنا چاہتا ہے کشمیریوں کو انسانیت سے بھی کم تردرجہ دیا جا رہا ہے اور انہیں طاقت کے ظالمانہ استعمال سے دبایا جا رہا ہے۔وزیراعظم عمران خان کا کہنا تھا کہ کشمیریوں کوخورک اورادویات جیسی بنیادی ضروریات سے محروم رکھا جارہا ہے اور نوجوان نسل کی وسیع پیمانے پرگرفتاریاں جاری ہیں،

وزیراعظم کا کہنا تھا کہ مواصلات بند کرکے کشمیریوں کوباقی دنیا سے کاٹ دیا گیا ہے۔انہوں نے کہا کہ بھارت کشمیریوں کی حق خودارادیت کی جدوجہد کودہشتگردی سے منسلک کررہا ہے۔عمران خان کا کہنا تھا کہ اقوام متحدہ کی قراردادوں کے مطابق کشمیریوں کی حق خودارادیت کی جدوجہد قانونی ہے اور اس کی جنرل اسمبلی نے گارنٹی دی ہے۔