میں ابھی زندہ ہوں اورجنگ جاری رہے گی:دنیا دیکھےگی کہ احمدشاہ مسعودکےفرزندنےکیسےمقابلہ کیا:احمدمسعود

کابل: میں ابھی زندہ ہوں اور جنگ جاری رہے گی:دنیا دیکھے گی کہ احمد شاہ مسعود کے فرزند نے کیسے مقابلہ کیا:،اطلاعات کے مطابق افغانستان میں طالبان کے خلاف لڑنے والی مزاحمتی قوتوں کے رہنما احمد مسعود نے پیر کو جاری کردہ ایک آڈیو پیغام میں کہا کہ وہ اب بھی زندہ ہیں اور طالبان کے خلاف جنگ جاری رہے گی۔ انہوں نے تمام افغان عوام پر زور دیا ہے کہ وہ قومی سطح پر طالبان کے خلاف متحد ہوکر کارروائی کریں۔

سابق جہادی کمانڈر احمد شاہ مسعود کے صاحبزادے احمد ضیا مسعود نے 19 منٹ کی آڈیو جاری کرنے کے چند گھنٹوں کے بعد طالبان نے پنجشیر پر کنٹرول کا دعویٰ کیا اور اپنے فیس بک پیج پر کہا کہ وہ زندہ ہیں اور طالبان کے خلاف جنگ جاری رہے گی۔

مسعود نے افغانوں سے کہا کہ وہ طالبان کے خلاف متحد کھڑے ہوں اور عالمی برادری سے مدد مانگتے ہوئے مزید کہا کہ "یہ لڑائی اب نہیں رکے گی اور پنجشیر میں طالبان کے خلاف ہماری جنگ جاری رہے گی۔”

طالبان کی جانب سے ان کے ٹھکانوں پر زبردست بمباری اور اسلحہ اور گولہ بارود کی مسلسل کمی کے بعد یہ سخت فیصلہ کیا گیا کہ یا تو یہیں ڈٹے رہیں اور طالبان کا مقابلہ کرتے ہوئے ملک کے لئے قربان ہوجائیں یا پھر اونچی پہاڑیوں میں پناہ لیں۔

فرنٹ کے ٹوئٹر ہینڈل میں بتایاگیاکہ "کل رات ہم نے سخت فیصلہ کیا کہ ہم اونچی پہاڑیوں میں پناہ لیں گے اور طالبان سے لڑتے رہیں گے۔”

پنجشیر کے دارالحکومت بازارک میں گورنر کی رہائش گاہ پر طالبان کا جھنڈا لہرانے کا حوالہ دیتے ہوئے کہا گیا کہ ہم نے گورنر کے عہدے یا پنجشیر کے لیے نہیں بلکہ پورے افغانوں کی آزادی کے لیے جنگ لڑی۔

ہم سب ٹھیک ہیں اور کافی اونچے ٹھکانوں پر ہیں جو کارروائی کے لئے بہت ہی بہتر مقام ہے۔ ہم جانتے ہیں کہ ہم کیا کر رہے ہیں اور ہمیں ان سب کے بارے میں پہلے سے پتہ تھا۔‘‘