اسلام آباد:اداکاروں کی محبت بھری داستانیں ویسے تو بڑی مشہور ہیں لیکن جو صدمہ ادکاراہ مایا علی نے اٹھایا وہ شاید زندگی بھر بھول نہ سکیں. اس حوالے سے اداکارہ مایا علی نے کہا ہے کہ محبت میں ناکامی کے اثرات ابھی بھی زندگی میں موجود ہیں۔مایا علی نے انکشاف کیا کہ وہ ایک بار محبت میں ناکام ہوچکی ہیں جس کے اثرات ابھی تک ان کی زندگی میں موجود ہیں ۔
اداکارہ مایا علی نے اپنے والد محترم کی جدائی کا بھی بہت غم محسوس کیا ، اپنے والدی محترم کا ذکر کرتے مایا علی کی آنکھیں نم آلود ہوگئیں ، مایا علی نے بتایا کہ ان کی زندگی کی سب سے بڑی کمی ان کے والد ہیں جنہیں وہ بہت ےاد کرتی ہیں اور زندگی کے کئی اہم فیصلوں میں ان کے نہ ہونے کا احساس بہت تکلیف دیتا ہے۔شادی کے سوال پر ان کا کہنا تھا کہ شادی ایک بہت اہم فیصلہ ہے اس کے لئے وہ باہمی ذہنی ہم آہنگ ساتھی کی تلاش میں ہیں۔ مایا علی اور شہریار منور کی فلم ”پرے ہٹ لو“ 9 اگست کو ریلیز کی جائے گی۔
