وزیراعظم نے سعودی شہزادہ محمد بن سلمان سے کیاکہا، جانیے تفصیل میں

وزیراعظم عمران خان نے سعودی شہزادہ محمد بن سلمان کو ٹیلی فون کیا ہے جس میں خطے کی صورت حال پر تبادلہ خیال کیا گیا ہے۔

سعودی پریس ایجنسی کے مطابق عمران خان نے محمد بن سلمان کو مقبوضہ کشمیر میں بھارتی اقدام سے پیدا صورت حال سے آگاہ کیا۔

گفتگو کے دوران باہمی دلچسپی کے خیالات پر گفتگو کی گئی جبکہ خطے کی تازہ صورتحال پر بھی تبادلہ خیال کیا گیا۔

ولی عہد محمد بن سلمان نے کہا کہ وہ کشمیر کے معاملے پر نظر رکھے ہوئے ہیں۔
وزیراعظم عمران خان نے سعودی ولی عہد شہزادہ محمد بن سلمان کو مقبوضہ کشمیر کی تازہ ترین صورتحال سے بھی آگاہ کیا۔

واضح رہے کہ بھارت نے مقبوضہ کشمیر کی خصوصی حیثیت سے متعلق آرٹیکل 370 کو ختم کرکے ریاست کو 2 حصوں میں تقسیم کردیا ہے۔ پاکستان نے بھارت کے اس اقدام کو دو ٹوک انداز میں مسترد کرتے ہوئے اسے اقوام متحدہ کی قراردادوں اور انسانی حقوق کی خلاف ورزی قرار دیا ہے۔