اسلام آباد:انا نہیںبناتی اور نہ ہی کسی بات پر اکڑ جاتی ہوں، ان خیالات کا اظہار پاکستانی اداکارہ حریم فاروق نے کہا ہے کہ اگر ان سے کوئی غلطی ہو جائے تو فورا معافی مانگنے کی قائل ہیں۔
میڈیا سے بات کرتے ہوئے حریم فاروق نے فلم ”جانان“ کے سیٹ پر اداکارہ ارمینہ خان کے ساتھ تنازعہ کے متعلق سوال کے جواب میں کہا کہ وہ اس کا سرعام جواب دینا مناسب نہیں سمجھتیں اور نہ ہی وہ کسی پر بات کرنے کی قائل ہیں لیکن اتنا ضرور کہیں گی کہ اگر ان کا اپنے ساتھی دوستوں کے ساتھ جھگڑا ہو جائے تو وہ فورا معافی مانگ لیتی ہیں۔
ایک سوال کے جواب میں حریم فاروق کا کہنا تھا کہ فلم ”پرچی“ ان کے دل کے بہت قریب ہے کیونکہ وہ ان کی پہلی پروڈکشن فلم تھی۔ حریم فاروق اور علی رحمان خان کی فلم ”ہیر مان جا“ عید الاضحی پر ریلیز کی جائے گی۔یاد رہے کہ کچھ دنوں سے حریم فاروق کی ساتھی اداکاروں سے کسی تنازعہ کی خبریں آرہی تھیں
