ورلڈ ہیڈر ایڈ

کراچی کے مسائل کے حل کے لیے ضروری ہے کہ اختیارات بلدیاتی نمائندوں کے سپرد کردیئے جائیں ، مصطفیٰ‌کمال

کراچی :کراچی کے مسائل تب حل ہوں گے جب کراچی میں نظام حکومت مقامی حکومتوں کے نمائندوں کو دیا جائے گا، ان خیالات کا اظہار پاک سرزمین پارٹی کے چیئرمین سید مصطفیٰ کمال نے خواتین پی ایس پی کی خواتین کے جلسہ سے کیا ،

مصطفیٰ‌کمال نے اس موقع پر کہا کہا ہے کہ عوامی مسائل کے حل کے لیے اٹھارویں ترمیم میں ترمیم کی ضرورت ہے ناکہ کسی صفائی مہم کی۔ مہم چلانے کا مطلب یہ ہے کہ نظام ناکام ہو چکا ہے۔ سالڈ ویسٹ مینجمنٹ بورڈ میں اختیارات کی تقسیم پر ابہام کی وجہ سے اداروں کو ایک دوسرے پر اپنی ناکامی کا ملبہ ڈالنے کا موقع مل رہا ہے۔

پاک سرزمین پارٹی کے چیئر مین مصطفیٰ‌کمال نے کہا ہےکہ عوام کا اصل مسئلہ ایک جگہ پر اختیارات اور وسائل کا ارتکاس ہے، جب تک مکمل وسائل اور اختیارات منتخب بلدیاتی نمائندوں کو منتقل نہیں ہونگے مسائل کا انبار لگا رہے گا۔ ان خیالات کا اظہار انہوں نے شعبہ خواتین کی کارکنان سے خطاب کرتے ہوئے کیا۔

شعبہ خواتین کی تقریب سے خطاب کرتے ہوئے کہا کہ آج ہمارے سیاسی مخالفین بھی ہماری کی ہوئی باتیں ہی دہرا رہے ہیں کیونکہ پی ایس پی کے علاوہ عوام کے پاس کوئی دوسرا آپشن نہیں ہے، صرف ہمیں ہی علم ہے کہ مسائل حل کر کے ملک کو کیسے صحیح سمت میں گامزن کرنا ہے۔ یہ ہماری آئیندہ آنے والی نسلوں کی بقاء کے لئے ضروری ہے کہ ہم صحیح وقت پر صحیح فیصلے کریں۔

مصطفیٰ‌کمال نے مزید کہا کہ مضبوط بلدیاتی حکومتوں کے قیام سے نا صرف عوامی مسائل حل ہونگے بلکہ معیشت بھی بحال ہوگی اور پاکستان کا عالمی برادری میں تشخص بہتر ہو گا۔ انہوں نے وزیراعظم پاکستان عمران خان سے مطالبہ کیا کہ عوام کے وسیع تر مفاد میں وہ اٹھارویں ترمیم میں ترمیم، مضبوط بلدیاتی حکومتوں کا قیام اور پروونشل فنانس کمیشن کا اجراء یقینی بنائیں۔

جواب چھوڑیں

آپ کا ای میل ایڈریس شائع نہیں کیا جائے گا.