آئی جی سندھ سے اپنا منصب نہیں سنبھالا جارہا تو گھر چلےجائیں

‏پی ٹی آئی رہنما و رُکن سندھ اسمبلی ایم پی اے راجہ اظہر نے کراچی میں بھڑتی ہوئی اسٹریٹ کرائم پر ٹوئٹر بیان دیا ۔

ایم پی اے راجہ اظہر کہتے ہیں شہر میں اسٹریٹ کرائم پر قابو پانے کیلئے شہری اپنی مدد آپ کرنے پر مجبور ہیں۔

گزشتہ روز پٹیل پاڑہ میں 60 سالہ بزرگ نے ڈکیتی کی کوشش ناکام بنائی، جان و مال کے تحفظ کیلئے شہریوں کا جان کی بازی کھیلنا سرکاری رٹ پر سوالیہ نشان ہے۔

‏پولیس کی بےبسی کا عالم دیکھ کر عوام میدان میں اتر چکی ہے،اگر آئی جی سندھ سے اپنا منصب نہیں سنبھالا جارہا تو گھر چلےجائیں۔

آئی جی اور سندھ حکومت نے عوام کی زندگیوں کو خطرے میں ڈال دیا ہے،صوبے میں امن و امان کے حوالے سے سندھ حکومت نے کچھ نہ کرنا ہے نہ کرنے دینا ہے۔
‎
‏سندھ حکومت موجودہ صورتحال پر سنجیدگی کا مظاہرہ کرے، شہریوں کی زندگیوں کو خطرے میں ڈالنا کسی صورت قابل قبول نہیں۔