اسلام آباد ہائی کورٹ، طیبہ گل کی ہراسگی کیس کی سماعت 27 جنوری تک ملتوی
اسلام آباد ہائی کورٹ، طیبہ گل کی ہراسگی کیس کی سماعت ہوئی جاوید اقبال کو لاپتہ افراد کمیشن کے چیئرمین شپ سے ہٹانے کی سفارش معطلی کے حکم میں 27 جنوری تک توسیع کردی گئی ہے جبکہ اسلام آباد ہائی کورٹ نے ایڈیشنل اٹارنی جنرل منور اقبال دوگل کی مزید وقت کی استدعا منظور کرلی ہے. اسلام آباد ہائی کورٹ نے فریقین کو آئندہ سماعت پر دلائل دینے کی ہدایت کردی.
یاد رہے کہ اس سے قبل پاکستان میں وفاقی حکومت نے طیبہ گل نامی خاتون کی جانب سے سابق وزیراعظم اور چیئرمین نیب پر عائد کیے گئے الزامات کی تحقیقات کرانے کے لیے کمیشن بنانے کا اعلان کیا تھا وفاقی وزیر برائے اطلاعات مریم اورنگزیب نے میڈیا کو بریفنگ دیتے ہوئے بتایا تھا کہ ’کابینہ نے کمیشن آف انکوائری ایکٹ کے تحت تحقیقات کی منظوری دی ہے۔
وفاقی وزیر اطلاعات کے مطابق وفاقی وزیر قانون کی سربراہی میں کمیٹی قائم کی گئی تھی جس میں کابینہ ممبران کے ساتھ مل کر کمیشن کے ٹرم آف ریفرنسز تیار کیا گیا. انہوں نے کہا تھا کہ ’طیبہ گل کے معاملے پر کوئی سیاسی رنگ نہیں دیا جائے گا اس کیس میں جو مجرم ہوگا اس کے خلاف ایکشن لیا جائے گا۔
مزید یہ بھی پڑھیں؛
اعظم سواتی کی ضمانت کی درخواست پر فیصلہ 19 دسمبر تک موخر
حکومت ملک بھر میں نوجوانوں کو 50 ارب روپے کے قرض دے گی مگر کیسے؟
16 دسمبر دہشت گردی کے خلاف پورے پاکستان کے ایک آواز ہونے کا دن ہے. وزیراعظم
ایلون مسک نے سی این این، نیویارک ٹائمز اور واشنگٹن پوسٹ کے صحافیوں کے اکاونٹس معطل کردئیے
مریم اورنگزیب کا مزید کہنا تھا کہ ’طیبہ گل نے پی ایم پورٹل پر شکایت کی۔ طیبہ گل کے مطابق انہیں 18 دن اغوا کر کے رکھا گیاتھا.
مریم اورنگزیب نے سابق وزیراعظم عمران خان پر الزام عائد کیا تھا کہ ’طیبہ گل سے شواہد لے کر چیئرمین نیب کو بلیک میل کیا۔ ان شواہد کو استعمال کرکے وزیراعظم ہاؤس نے نیب کے ادارے کو مخالفین کے خلاف استعمال کیا۔
