![ijaz aslam](https://baaghitv.com/wp-content/uploads/2023/09/ijaz-aslam-1.jpg)
سینئر اداکار اعجاز اسلم نے حال ہی میں مومن ثاقب کے شو میں شرکت کی ہے اس میں انہوں نے بتایا ہے کہ میں جب شوبز میں آیا تو میری والدہ کو لگنے لگا کہ کہیں میرا بیٹا کسی بری صحبت میں نہ بیٹھنا شروع ہوجائے لہذا شادی کردینی چاہیے۔ میں نے چند کمرشلز کئے تھے ، ماڈلنگ کررہا تھا ماں نے کہا کہ مجھے شوبز میں کام کرنا پسند نہیں لیکن تمہاری خوشی کے لئے تم کررہے تو میری بھی ایک شرط ہے کہ شادی کرو، میں نے کہا کہ ٹھیک ہے یوں میری شادی ہوگئی ۔ اس سے پہلے مجھے ایک ڈرامہ عروسہ آفر ہوا تھا اور آفر بھی کس نے کیا ؟ فاطمہ ثریا بجیا نے،
میری والدہ کو پت چلا تو انہوں نے مجھے منع کر دیا اور کہا کہ نہیں اپنی پڑھائی پہلے مکمل کرو پھر یہ کام کر لینا، میرے والدین نے فاطمہ ثریا بجیا کو فون بھی کیا اور کہا کہ اعجاز بالکل کام کریگا لیکن وہ پہلے اپنی پڑھائی مکمل کرلے۔ تو بجیا نے کہا کہ ٹھیک ہے۔ اعجاز اسلم نے کہا کہ ”میرے انکار کے بعد عروسہ عدنان صدیقی کو ملا ”اس کے بعد عدنان صدیقی نے پیچھے مڑ کر نہ دیکھا۔ میری اور عدنان کی بہت اچھی دوستی ہے ، لوگوں نے ہماری دوستی کو ختم کروانے کی کوشش کی ، غلط فہمیاں بھی ڈالنے کی کوشش کی گئی لیکن ہم نے ایک دوسرے کا ساتھ نہ چھوڑا۔نتیجہ یہ ہے کہ ہم آج بھی اچھے دوست ہیں۔