راولپنڈی:پاک فوج کے سربراہان کا اہم اجلاس،سیکورٹی سمیت کئی معاملات پرمشاورت،اطلاعات کے مطابق آج راولپنڈی میں قومی سلامتی اور دفاع سمیت اہم معاملات پرمشاورت کےلیے چیئرمین جوائنٹ چیفس آف اسٹاف کمیٹی اور تمام سروس چیفس کا اجلاس آج یہاں جوائنٹ اسٹاف ہیڈ کوارٹرز (JSHQ) میں منعقد ہوا۔
پاک فوج کے ترجمان ادارے آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل ندیم رضانے اجلاس کی صدارت کی جس میں آرمی چیف جنرل قمر جاوید باجوہ، چیف آف نیول اسٹاف ایڈمرل محمد امجد خان نیازی اور ایئر چیف مارشل ظہیر احمد بابر سدھو، چیف آف آرمی اسٹاف نے شرکت کی۔
دفاع اور قومی سلامتی کے معاملات پرمشاورت کے ساتھ ساتھ مغربی سرحد، کے پی کے اور بلوچستان سے متعلق قومی سلامتی کی صورتحال کا جائزہ لینے کے بارے میں تفصیلی بریفنگ دی گئی۔
اس دفاعی فورم میں اسٹریٹجک اور دیگراہم معاملات پرسیرحاصل گفتگو کی گئی ، اس کےساتھ ساتھ خطے میں پائیدار ترقی کے لیے افغانستان میں امن کی اہمیت اور مسلح افواج کی آپریشنل تیاریوں پر بھی تبادلہ خیال کیا۔
جی ایچ کیو میں منعقدہ اس فورم نے دفاعی افواج کی تیاریوں پر مکمل اطمینان اور مکمل اعتماد کا اظہار کیا۔ شرکاء نے مسلح افواج کے تمام خطرات کا جواب دینے کے عزم کا بھی اعادہ کیا
اس اہم اجلاس میں تمام سروسز چیفس نے دہشت گردی کے خلاف جنگ میں سیکیورٹی اداروں کی قربانیوں کو بھی سراہا۔
Leave a reply
