کراچی: صدر مملکت عارف علوی نے گورنر سندھ عمران اسماعیل کا استعفیٰ منظور کرلیا جبکہ کیبنٹ ڈویژن نے نوٹیفیکیشن بھی جاری کردیا ہے –
باغی ٹی وی : تفصیلات کے مطابق سابق وزیراعظم عمران خان کے خلاف تحریک عدم اعتماد کامیاب ہونے اور وزیراعظم کے عہدے سے ہٹنے کے بعد گورنر سندھ عمران اسماعیل نے استعفیٰ دے دیا تھا۔
صحافیوں کے گھروں کا گھیراؤ ، وزیراعظم نے بڑا حکم دے دیا
ذرائع کا کہنا ہے کہ کیبینٹ ڈویژن نے عمران اسماعیل کا استعفیٰ منظور کرلیا ہے جبکہ نوٹیفکیشن بھی جاری کردیا گیا ہے۔
دوسری جانب عارضی طور پر اسپیکر سندھ اسمبلی آغا سراج درانی کو قائم مقام گورنر سندھ عہدہ دیدیا گیا ہے اسپیکر سندھ اسمبلی آغاسراج درانی نیب کیس میں گرفتار ہیں جبکہ ان کے گھر کو سب جیل قرار دیا گیا ہے۔
عمران خان کا سراج الحق سے ٹیلی فونک رابطہ
واضح رہے کہ گورنر سندھ عمران اسماعیل نے 11 اپریل کو عہدے سے استعفیٰ دیا تھا ایک بیان میں عمران اسماعیل نے کہا تھا کہ جیسے ہی شہباز شریف حلف اٹھائیں گے میں استعفیٰ دوں گا، نہیں چاہتا ایک لمحے کے لیے بھی شہباز شریف کو سر کہنا پڑے، یہ شخص نااہل ہے، مقصود چپڑاسی کے اکاؤنٹ سے اربوں روپے نکلے میں ان کو وزیراعظم نہیں مانتا ہوں، اپنی شفٹنگ کا عمل شروع کردیا ہے، استعفیٰ لکھ کر رکھ لیا ہے صدر مملکت کو بھیج دوں گا۔
