پاکستان مسلم لیگ (ن) کی ترجمان مریم اورنگزیب کا پولنگ سٹیشنز سے پارٹی پولنگ ایجنٹس کو نکالنے کی شدید مذمت کی ہے-
باغی ٹی وی : انہوں نے کہا کہ ڈسکہ میں الیکشن کمیشن کا عملہ اغوا کر کے اور آزاد کشمیر میں مسلم لیگ (ن) کا عملہ باہر نکال کے ووٹ چوری کئے جا رہے ہیں مختلف پولنگ سٹیشنز پر مسلم لیگ (ن) کے پولنگ ایجنٹس کو داخل ہونے سے روکنا ڈسکہ الیکشن کا ایکشن ری پلے ہے –
مریم اورنگزیب نے کہا کہ حکومتی دباو کے ذریعے پولیس کو مسلم لیگ (ن) کے پولنگ ایجنٹس اور پارٹی رہنماوں کو ہراساں کیاجارہا ہے کئی پولنگ سٹیشنز پر پولنگ ایجنٹس کی غیرموجودگی میں بیگز کو کھولا گیا، بیلٹ بُکس کے حوالے سے بھی شکایات موصول ہوئی ہیں-
ن لیگ کی ترجمان نے کہا کہ فائرنگ کے واقعات کی اطلاعات تشویشناک ہیں، حکومت آزادجموں وکشمیر میں ڈسکہ والے رویے سے باز آئے عمران صاحب آزادجموں وکشمیر میں مودی والا رویہ اختیار نہ کریں-
مریم اورنگزیب نے کہا کہ پی ٹی آئی اور عمران صاحب کو اپنی شکست واضح نظر آرہےعمران صاحب 2018 والے ہتھکنڈے اختیار کرنے کی کوشش کررہے ہیں جو ان کی بوکھلاہٹ کا ثبوت ہےعمران صاحب دھاندلی کے ذریعے آپ اپنی شکست کو فتح میں نہیں بدل سکتے-
انہوں نے کہا کہ کارکنان اور عوام ہر حکومتی دھاندلی کی وڈیو اور تصاویر بنا کر عوام کے سامنے لائیں-
