اشرف غنی کو وزیراعظم عمران خان کا فون دھماکے شدید مذمت اور اشرف غنی کی خیریت دریافت کی
اسلام آباد:افغانستان بے شک پاکستان کے ساتھ اچھا سلوک نہ کرے لیکن پاکستان اس کے بدلےمیںبرا سلوک نہیںکرے گا بلکہ برائی کا جواب اچھائی میں دے گا، یہی وجہ ہے کہ وزیراعظم عمران خان نے افغان صدر اشرف غنی سے ٹیلیفونک رابطہ کیا ہے۔ وزیراعظم نے افغان صدر کی انتخابی ریلی میں دھماکے کی مذمت کی اور اشرف غنی کی خیریت بھی دریافت کی۔
اسلام آباد سے ذرائع کےمطابق وزیراعظم عمران خان نے افغان صدر اشرف غنی کو ٹیلیفون کر کے افغان صدر کی انتخابی ریلی میں دھماکے کی مذمت کی اور اشرف غنی کی خیریت بھی دریافت کی ہے۔
عمران خان آج سعودی عرب جارہے ہیں جہاں کشمیر اور سعودی عرب کی سلامتی کے حوالے سے اہم فیصلے ہوں گے
دفتر خارجہ ذرائع کے مطابق وزیراعظم نے افغان صدر کو طورخم بارڈر کھلنے کی افادیت سے آگاہ کیا۔ اشرف غنی نے ایک بار پھر وزیراعظم عمران خان کو دورہ افغانستان کی دعوت دی ہے، یاد رہےکہ افغانستان ہمیشہ پاکستان کی دشمنی میںکوئی کسر نہیںاٹھا رکھتا اور اپنی ناکامیوںکا ذمہ دار پاکستان کو ٹھہراتا رہا ہے لیکن اس کے جواب میں پاکستان نے ہمیشہ برادرانہ کردار ہی ادا کیا
