سابق وزیراعظم نواز شریف کو سزا سنانے والے احتساب عدالت کے جج محمد بشیر عمران خان کے مقدمات پر فیصلہ سنانے سے پہلے ہمت ہار بیٹھے. اپنی ریٹائرمنٹ تک طبی بنیادوں پر چھٹی کیلئے اسلام آباد ہائیکورٹ اور وزارتِ قانون کو خط لکھ دیا
نیب عدالت کے جج محمد بشیر کی طبیعت خراب،احتساب عدالت کے جج محمد بشیر نے اپنی ریٹائرمنٹ تک بیماری کی چھٹیوں کیلئے خط لکھ دیا۔ جج محمد بشیر 14 مارچ 2024 کو ریٹائرڈ ہو رہے ہیں ،جج محمد بشیر نے 24 جنوری سے 14 مارچ تک چھٹیوں کیلئے خط لکھا، جج محمد بشیر نے خط اسلام آباد ہائیکورٹ اور وزارت قانون انصاف کو خط لکھ دیا۔ جج محمد بشیر کی جانب سے لکھا گیا خط ہائیکورٹ اور وزارت قانون انصاف کو موصول ہو گیا۔ جج محمد بشیر نے خط میں لکھا کہ طبعیت کی ناسازی کے باعث ڈیوٹی سرانجام نہیں دے سکتا۔
دو دن قبل بھی جج محمد بشیر کی اڈیالہ جیل میں کیس کی سماعت کے بعد طبیعت خراب ہو گئی تھی جس کے بعد وہ ہسپتال گئے اور اپنا طبی معائنہ کروایا،
جج محمد بشیر تین بار توسیع لے کر 12 سال اسلام آباد کی احتساب عدالت کے جج رہے اور 14 مارچ 2024 کو ریٹائر ہو جائیں گے.
جج محمد بشیر کے چھٹی پر چلے جانے کے بعد فوری طور پر کسی دوسرے جج کو احتساب عدالت کا چارج دینا ہو گا کیونکہ بصورتِ دیگر عمران خان کے خلاف روزانہ کی بنیاد پر چلنے والے نیب مقدمات تاخیر کا شکار ہونے کا خدشہ پیدا ہو جائے گا.
جج احتساب عدالت محمد بشیر نے چھ وزرائے اعظم اور سابق صدر کے خلاف کرپشن کیسز کی سماعت کی ،نواز شریف، آصف زرداری، یوسف رضا گیلانی سمیت پاکستان کے اہم سیاسی رہنماؤں کے کیسز جج محمد بشیر نے سنے ، جج احتساب عدالت محمد بشیر 14مارچ 2024 کو ریٹائر ہوجائیں گے، جج احتساب عدالت محمد بشیر 60 سال عمر پوری ہونے پر مارچ 2024ء کو ریٹائر ہوجائیں گے،
احتساب عدالت کے جج محمد بشیر نے ہی سابق وزیراعظم نواز شریف کو سزا سنائی تھی، بعد ازاں نواز شریف کی پاکستان آمد کے بعد توشہ خانہ کیس میں نواز شریف نے جج محمد بشیر کی عدالت کے سامنے ہی سرنڈر کیا تھا،عمران خان بھی جج محمد بشیر کی عدالت میں پیش ہو چکے ہیں.اب توشہ خانہ اور القادر ٹرسٹ کیسز کی سماعت جج محمد بشیر ہی اڈیالہ جیل میں کر رہے ہیں
فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ
شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی
عمران خان معافی مانگنے جج زیبا چودھری کی عدالت پہنچ گئے
