وزیر اعظم پاکستان عمران خان نے سعودی عرب اور ملائشیاء کے بعد ہندوستانی جیلوں میں قید پاکستانی قیدیوں کو بھی رہا کروانے کا فیصلہ کیا ہے اور اس سلسلہ میں وزارت خارجہ کو ہدایات جاری کی گئی ہیںکہ وہ ملک بھر کی جیلوں میں قید ہندوستانی قیدیوں کی تفصیلات سے آگاہ کریں، کہا گیا ہے کہ آنے والے دنوں میں پاکستانی اور بھارتی قیدیوں کا تبادلہ کیا جائے گا۔
باغی ٹی وی کی رپورٹ کے مطابق وزیر اعظم کی ہدایات پر وزارت خارجہ نے چاروں صوبوں کے آئی جیز جیل خانہ جات کو اس سلسہ میںمراسلے بھجوائے ہیں جن میں جلد سے جلد تفصیلات فراہم کرنے کیلئے کہا گیا ہے. وزارت خارجہ نے چاروں صوبوں کے علاوہ آزاد کشمیر اور چیف سیکرٹری گلگت بلتستان سے بھی بھارتی قیدیوںکی تفصیلات طلب کی ہیں.
پاکستان اور انڈین قیدیوں کے تبادلوں کے حوالے سے یکم جولائی کو وزارت خارجہ کے دفتر میں اعلی سطح میٹنگ ہوگی۔ وزارت خارجہ نے تمام ہندوستانی قیدیوں کا مکمل ڈیٹا، کیسز اور سزا وغیرہ کی مکمل تفصیلات طلب کی ہیں۔ پاکستان وزارت خارجہ کی جانب سے بھارتی قیدیوں کی تفصیلات اکیس جون سے پہلے بھجوانے کیلئے کہا گیا ہے۔
واضح رہے کہ بھارتی جیلوں میں کئی پاکستانی قید ہیں جن کی رہائی کیلئے ان کے اہل خانہ منتظر ہیں اور یہ خبر ان کیلئے یقینا بہت خوشی کا باعث ہو گی.
