پی ٹی آئی چیئرمین عمران خان کے کل گجرات میں ہونے والے جلسے کے انتظامات کا جائزہ لینے کیلئے وزیر اعلی پنجاب چودھری پرویزالٰہی اور سابق وفاقی وزیر مونس الٰہی ظہور الٰہی سٹیڈیم پہنچ گئے. حسین الٰہی ایم این اے، موسیٰ الٰہی اور صوبائی وزیر داخلہ ہاشم ڈوگر بھی ان کے ہمراہ تھے.
چودھری پرویزالٰہی اور مونس الٰہی نے کل چئیرمین پی ٹی آئی عمران خان کے جلسے کے انتظامات کا جائزہ لیا ،چودھری پرویزالٰہی اور مونس الٰہی نے جلسہ گاہ کا دورہ کیا ، چودھری پرویزالٰہی اور مونس الٰہی کی جلسے کے لئے بہترین انتظامات کی ہدایت کی.
چودھری پرویزالٰہی کا اس موقع پر کہنا تھا کہ گجرات کل بھی عمران خان کا تھا، آج بھی عمران خان ہے اور کل بھی عمران خان کا رہے گا۔کل کا جلسہ گجرات کی تاریخ کا سب سے بڑا جلسہ ہو گا۔ گجرات کے لوگوں کا جوش و خروش دیکھ کر دل خوش ہو گیا ہے۔ کل کا جلسہ نئی تاریخ رقم کرے گا۔
چودھری پرویزالٰہی کا کہنا تھا کہ عمران خان کو مائنس کرنے والے خود مائنس ہو چکے ہیں،عمران خان کے بغیر پاکستانی کی سیاست نامکمل ہے، عمران خان کے ساتھ ہیں اور ساتھ رہیں گے، گجرات کے لوگ عمران خان سے والہانہ محبت کرتے ہیں۔
