عمران خان کی چھ ضمانت کی درخواستوں پر سماعت ملتوی

اسلام آباد: ڈسٹرکٹ اینڈ سیشن کورٹس اسلام آباد،9 مئی سے متعلق چیئرمین پی ٹی آئی کی 6 درخواست ضمانتوں پر سماعت ہوئی

چیئرمین پی ٹی آئی کی 6 درخواستِ ضمانتوں پر سماعت جج طاہرعباس سِپرا نے کی،چیئرمین پی ٹی آئی کے وکیل بیرسٹر عمیر نیازی، خالد یوسف چوہدری سیشن عدالت پیش ہوئے،چیئرمین پی ٹی آئی کی آج حاضری سے استثنا کی درخواست منظور کرلی گئی،چیئرمین پی ٹی آئی کی درخواستِ ضمانت پر سماعت حتمی دلائل کے لیے 31 اکتوبر تک ملتوی کردی گئی

دوسری جانب اسلام آباد کی مقامی عدالت میں چیئرمین تحریک انصاف عمران خان کی جانب سے خاتون جج دھمکی کیس کی سماعت ہوئی، جوڈیشل مجسٹریٹ مرید عباس نے کیس کی سماعت کی ،عدالت نے ریمارکس دیتے ہوئے کہا کہ سپیشل پراسیکیوٹر نے دلائل دینے ہیں، پراسیکیوٹر کے حاضر نہ ہونے کی وجہ سے سماعت میں 11بجے تک وقفہ کر دیاگیا

عدالت پیشی کے موقع پر بھی عمراں خان نے عدالت سے اس کیس میں معافی مانگی تھی،چیرمین پی ٹی آئی عمران خان روسٹرم پر آ گئے اور کہا کہ 27 سال میں نے قانون کی بالادستی کی جنگ لڑی ہےمیں نے جوش خطابت میں ایک مظاہرے میں یہ الفاظ کہیں تھے ،میں نے اپنے الفاظ پر معافی مانگنے کے لیے جج زیبا چوہدری کی عدالت بھی گیا، آج تک میں نے کوئی قانون نہیں تھوڑا، عمران خان نے خاتون جج دھمکی کیس میں عدالت میں کھڑے ہوکر معافی مانگ لی ،کہا کہ اگر میں نے لائن کراس کی ہے تو معذرت چاہتا ہوں،

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

عمران خان معافی مانگنے جج زیبا چودھری کی عدالت پہنچ گئے

خیال رہے کہ پی ٹی آئی چیئرمین عمران خان نے پارٹی جلسہ سے خطاب کرتے ہوئے خاتون جج اور انتظامی افسروں کو دھمکی دی تھی اسلام آباد ہائیکورٹ نے از خود نوٹس لیا تھا اور توہین عدالت کا کیس چلا تھا تاہم گزشتہ سماعت پر عدالت نے توہین عدالت ختم کر دی تھی،عمران خان کے اس کیس میں وارنٹ بھی جاری ہوئے تھے، تا ہم بعد میں منسوخ کر دیئے گئے تھے، عمران خان اس کیس میں ضمانت پر ہیں