![](https://baaghitv.com/wp-content/uploads/2021/10/imran-khan-1280x720-1.jpg)
صوبہ خیبر پختونخوا کے ضلع مردان میں حکومت اور وزیر اعظم عمران خان کو بد دعائیں اور گالیاں دینے والے شخص کو گرفتار کرلیا گیا۔
باغی ٹی وی : تفصیلات کے مطابق مہنگائی سے تنگ شہری نے مسجد میں اعلان کیا اور خواتین اور بچوں سے اپیل کی کہ وہ عمران خان کی حکومت سے جان چھڑانے کیلئے بد دعائیں کریں۔
شہری کی جانب سے عمران خان کو بد دعائیں دینے کا معاملہ سامنے آنے پر پولیس نے فوری ایکشن لیتے ہوئے اسے گرفتار کرلیا۔ تھانہ ہوتی پولیس نے شہری کے خلاف لاؤڈ سپیکر ایکٹ کی خلاف ورزی کا مقدمہ بھی درج کرلیا ہے۔
مردان، وزیر اعظم عمران خان کو بد دعائیں دینے پر شہری گرفتار#FATF #QuestioningIsNotHarassment #asmashirazi #pakvsa pic.twitter.com/SxnHULAMMS
— Sarfraz Raja (@Sarfraz_Raja90) October 21, 2021
خیال رہےکہ حکومت مخالف اپوزیشن اتحاد پاکستان ڈیموکریٹک موومنٹ (پی ڈی ایم) نے کل نماز جمعہ کے بعد سے مظاہروں کے آغاز کا اعلان کردیا ہے۔
وزیراعظم کل لاہور کا دورہ کریں گے، شیڈول جاری
پی ڈی ایم نے کل ملک بھر میں مہنگائی اور بے روزگاری کے خلاف مظاہروں کا اعلان کیا ہے پی ڈی ایم کی جانب سے جاری شیڈول کے مطابق لاہور میں جین مندر چوک سے سہ پہر 3 بجے احتجاجی جلوس نکالاجائےگا۔
کراچی ایمپریس مارکیٹ پر نماز جمعہ کے بعد 3 بجے مظاہرہ ہوگا۔ پشاور، سوات، شانگلہ اور خیبرپختونخوا کے دیگر شہروں میں بھی احتجاجی مظاہرے ہوں گے اس کے علاوہ میانوالی اور بھکر میں 24 اکتوبر کو احتجاج ہوگا۔