سائفر کیس،عمران خان کو 28 نومبر کو عدالت پیش کرنے کا حکم

آفیشل سیکرٹ ایکٹ عدالت میں چیئرمین پی ٹی آئی اور شاہ محمود قریشی کیخلاف سائفر کیس کی سماعت ہوئی،

شاہ محمود کے وکیل علی بخاری اور خالد یوسف عدالت میں پیش ہوئے،عدالت نے استفسار کیا کہ اسلام آباد ہائیکورٹ کے فیصلے کی کاپی کدھر ہے؟ اس پر عدالتی عملے نے سائفرکیس سے متعلق اسلام آباد ہائیکورٹ کے فیصلے کی کاپی جج کو دی، جج ابو الحسنات ذوالقرنین نے وکیل علی بخاری سے مکالمہ کیا کہ بخاری صاحب آپ کے لیے تو بڑی کامیابی ہوئی ہے، اس پر علی بخاری نے کہا کہ ہم تو پہلے دن سے یہی کہہ رہے تھے، عدالت نے چیئرمین پی ٹی آئی عمران خان اور شاہ محمود قریشی کو 28 نومبر کو عدالت پیش کرنے کا حکم دےدیا۔

عدالت نےریمارکس دیتے ہوئے کہاکہ چیئرمین پی ٹی آئی عمران خان کا ٹرائل اب 29اگست سے پہلے کی اپوزیشن سے آگے بڑھے گا،آفیشل سیکرٹ ایکٹ عدالت کے جج ابوالحسنات ذوالقرنین نے حکم جاری کیا،

عدالت نےعمران خان کے 3 اور شاہ محمود قریشی کی 2 مقدمات میں ضمانت کی درخواست پر سماعت 28 نومبر تک ملتوی کر دی،چیئرمین پی ٹی آئی کی تین ضمانت کی درخواستوں پر سماعت ہوئی،انسداد دہشت گردی عدالت کے جج ابو الحسنات محمد ذوالقرنین نے سماعت کی،پراسیکیوٹر نے دلائل کے لیے مہلت دینے کی استدعا کی، وکیل خالد یوسف نے کہا کہ گزشتہ سماعت پر عدالت نے آرڈر جاری کیا تھا اسٹیٹ آج دلائل دے گی ، پراسیکیوٹر نے کہا کہ مجھے تو پتہ ہی نہیں تھا کیسز کی سماعت جیل میں ہو رہی ہے ، آٹھ آٹھ ماہ تو ان کی وجہ سے تاریخ پڑتی رہی ہے ،وکیل خالد یوسف نے کہا کہ عدالت نے گزشتہ سماعت پر آرڈر کیا تھا آج ہر حال میں فیصلہ ہو گا ،پراسیکیوٹر نے کہا کہ یہ خود کہتے رہے ہیں اب ملزم کو بھی بلا لیں ان کی موجودگی میں بحث ہو جائے گی ،عدالت اس کیس میں دلائل کے لئے ایک تاریخ دے دے ، عدالت نے کہا کہ میں دیکھ لیتا ہوں ،

سائفر کیس میں چیئرمین پی ٹی آئی کا جیل ٹرائل کالعدم قرار

سائفر کیس،لگی دفعات میں سزا،عمر قید،سزائے موت ہے،ضمانت کیس کا فیصلہ

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر معاملہ؛ اعظم خان کے بعد فارن سیکرٹری بھی عمران خان کیخلاف گواہ بن گئے

سائفر کیس، عمران خان کو بیٹوں سے بات کروانے کی اجازت