سمیع ابراہیم کو تھپڑ، عمران خان نے نوٹس لیتے ہوئے فردوس عاشق اعوان سے واقعہ کی رپورٹ طلب کر لی

وزیراعظم پاکستان عمران خان نے معاون خصوصی فردوس عاشق اعوان کو ہدایات جاری کی ہیں کہ وہ فواد چوہدری کی طرف سے سینئر صحافی و اینکر سمیع ابراہیم کو تھپڑ مارے جانے سے متعلق رپورٹ مرتب کر کے انہیں‌ موجودہ صورتحال سے آگاہ کریں.

باغی ٹی وی کی رپورٹ کے مطابق فردوس عاشق اعوان نے کہا ہے کہ وزیر اعظم نے اس افسوسناک واقعہ کا سختی سے نوٹس لیا ہے. وہ مذکورہ صحافی سے خود ملیں گے یا ان سے فون پر بات کریں‌ گے. کسی کو یہ حق نہیں‌ دیا جاسکتا کہ وہ تھپڑ مارنے جیسا اقدام اٹھائے. ان کا کہنا تھا کہ تحریک انصاف کسی بھی قسم کے تشدد اور عدم برداشت رویئے کی مذمت کرتی ہے اور کسی وفاقی وزیر سے ایسے رویے کی توقع ہی نہیں کی جاسکتی۔

فردوس عاشق اعوان نے بتایا کہ ہفتہ کو میڈیا امور سے ایک اجلاس کی صدارت کرتے ہوئے انہوں نے اس واقعہ پربرہمی کا اظہار کرتے ہوئے کہا کہ وفاقی وزیر سائنس اینڈ ٹیکنالوجی فواد چوہدری کو برداشت کرنا چاہیے تھا اور کسی بھی میڈیا پرسن کے خلاف ایسی حرکت کسی صورت برداشت نہیں کیاجاسکتا۔ اس موقع پر انہوں نے وزیراعظم کی معاون خصوصی برائے امور اطلاعات ونشریات فردوس عاشق اعوان کو ہدایت کی ہے کہ وہ اس سارے معاملے سے متعلق ایک رپورٹ مرتب کریں اور موجودہ صورتحال سے آگاہ کیاجاسکے۔

جواب چھوڑیں

آپ کا ای میل ایڈریس شائع نہیں کیا جائے گا.