مسلم لیگ ن پنجاب کی ترجمان عظمیٰ بخاری نے کہا کہ عمران خان نے شہباز شریف کے لوکل گورنمنٹ سسٹم پر شب خون مارا۔ڈھائی سالوں میں بزدار حکومت اپنے ہی لوکل گورنمنٹ ایکٹ میں چھ سے زائد ترامیم کر چکی ہیں۔
ایکٹ نہ ہوا عمران خان کی تقریریں ہو گیئیں،جو ایک تماشہ ہیں۔عمران خان نے اقتدار میں آتے ہی پنجاب کے بلدیاتی نمائندوں کے حقوق پر ڈاکہ ڈالا۔مصالحتی کونسلز کے قیام کا ایک فلاپ ڈرامہ ہے۔مسلم لیگ ن نے سپریم کورٹ کی ہدایات پر بلدیاتی الیکشن کرائے۔عمران اور بزدار نے قبل از وقت لوکل گورنمنٹ ختم کرکے غیر جمہوری ہونے کا ثبوت دیا۔شہباز شریف کا خوشحال پنجاب آج گندم مافیا اور چینی مافیا کے رحم و کرم پر ہے۔پنجاب کابینہ کی ہر میٹنگ میں شہباز شریف اور حمزہ شہباز کو مزید تکلیف پہنچانے کی سازشیں تیار ہوتی ہیں۔آج بھی پنجاب کابینہ کے اجلاس میں مسلم لیگ ن ہی زیر بحث رہی ہیں۔
آج پھر پنجاب کابینہ میں ڈی جی اینٹی کرپشن پر دباؤ بڑھانے کے منصوبے تیار ہوئے۔ڈی جی اینٹی کرپشن پنجاب اب عثمان بزدار کے ذاتی ملازم بن چکے ہیں۔فیس گوہر اپنا قبلہ درست کرلیں یہ لوگ ہمیشہ اقتدار میں نہیں رہنے والے۔آپ اپنے آنے والے مستقبل کی فکر کریں عثمان بزدار کے دباؤ سے باہر نکلیں۔ورنہ نفیس گوہر باقی عمر عدالتوں میں ذلیل ہوتے رہے گے،اور آج کا غفار ڈوگر کا فیصلہ شرم دلانے کیلیے کافی ہے۔
