وفاقی وزیر اطلاعات و نشریات مریم اورنگزیب نے کہا ہے کہ عمران خان نواز شریف کا مینڈیٹ چوری کر کے ملک پر مسلط ہوئے تھے.
وفاقی وزیر اطلاعات و نشریات مریم اورنگزیب نے کہا ہے کہ عمران خان نواز شریف کا مینڈیٹ چوری کر کے ملک پر مسلط ہوئے تھے، جو چیز اپنی نہ ہو اصل مالک کو واپس کرنا پڑتی ہے۔ جمعہ کو پی ٹی آئی چیئرمین عمران خان کے بیان پر ردعمل کا اظہار کرتے ہوئے انہوں نے کہا کہ عمران خان آپ کو پتہ ہے کہ آپ کا اقتدار ایوان میں اکثریت کھونے سے ختم ہوا، عمران خان نے اپنی حکومت کو اپنے جھوٹ، کرپشن اور نااہلی سے ختم کیا، 100 فیصد پاکستانی کہتے ہیں کہ ملکی مسائل کا حل صرف شفاف الیکشن ہیں مگر آئینی مدت پوری ہونے پر اکتوبر 2023ءمیں۔
انہوں نے کہا کہ عمران خان نے عوام دشمنی اور آئین شکنی کی اور ملک کے مفاد کے ساتھ کھیلا۔ انہوں نے کہا کہ آج 23 دسمبر ہے، پنجاب اور خیبر پختونخوا اسمبلیاں؟ انہوں نے کہا کہ ملک کو دلدل میں دھنسانے والا پوچھتا ہے کہ مجھے کیوں نکالا، ملک کو تاریخی قرضوں کی بھینٹ چڑھا دیا اور کہتے ہیں کہ مجھے کیوں نکالا۔ انہوں نے کہا کہ عمران خان نے معاشی تباہی کی، عوام کو تاریخی مہنگائی کی دلدل میں دھنسایا اور اب پوچھتے ہو کہ مجھے کیوں نکالا؟
مزید یہ بھی پڑھیں؛
گورنرپنجاب آج رات وزیراعلیٰ کوڈی نوٹیفائی کرنیکا ڈیکلریشن جاری کرینگے:رانا ثناء اللہ
گورنرپنجاب نے وزیراعلیٰ پنجاب کوڈی نوٹیفائی کردیا
پرویز الہی سبکدوش، پی ٹی آئی اور ق لیگ کا عدالت جانے کا فیصلہ
میگ لیننگ پاکستان کے خلاف ہوم سیریز میں ٹیم کی قیادت کریں گی
رباط میں اسلامی مخطوطات کی بین الاقوامی نمائش شروع
وفاقی وزیر اطلاعات نے کہا کہ عمران خان نے قومی مفاد سے کھیل کھیلا، اور پوچھتے ہیں مجھے کیوں نکالا۔ انہوں نے کہا کہ یہ ملک اور عوام کی نہیں عمران خان کی انا تکبر، فساد، سازش اور لوٹ مار کی جنگ ہے۔ عمران خان ! یہ جنگ احتساب سے بھاگنے اور ملک اور توشہ خانہ لوٹے والوں کے خلاف ہے، عمران صاحب! آپ کو ڈیل ملے گی اور نہ ہی ڈھیل۔ انہوں نے کہا کہ عمران خان کی لوٹ مار کی حکومت کو عدم اعتماد کے ووٹ کے آئینی طریقے سے ہٹایا گیا، بہروپیے کا اصل چہرہ دیکھ کر ان کے اتحادیوں اور ان کے لوگوں نے اسے ایوان سے باہر نکالا۔ انہوں نے کہا کہ عمران خان کی لوٹ مار نے ملک کا روزگار تباہ کیا
