باغی ٹی وی کی رپورٹ کے مطابق انسداددہشت گردی عدالت لاہور،جناح ہاؤس جلاؤ گھیراؤ سمیت پانچ مقدمات میں عمران خان کی عبوری ضمانتوں پر سماعت ہوئی
عدالت نے عمران خان کو چودہ جولائی کو شامل تفتیش ہونے کا حکم دے دیا ،عدالت نے ملزم عمران خان کی عبوری ضمانتوں میں 21 جولائی تک توسیع کردی ،عدالت نے عمران خان کو شامل تفتیش نہ ہونے پر اظہار ناراضگی کیا، عدالت نے عمران خان سے استفسار کیا کہ آپ کیوں تفتیش نہیں جوائن کررہے؟ گزشتہ ماہ کی چودہ جون سے لیکر آج تک آپ نے کیوں تفتیش جوائن نہیں کی ؟کیوں نہ میں آپ کو دیا گیا ریلیف ختم کر دوں اور ضمانتیں خارج کر دوں ، عمران خان کے وکیل نے کہا کہ کہ میرے اوپر کیسز اتنے ہیں میں ہر روز عدالتوں میں ہوتا ہوںمیں تو خود چاہتا ہوں شامل تفتیش ہونا ، عدالت نے ریمارکس دیتے وہئے کہا کہ ایسے نہیں چلے گا آپ پر ہونگے کیسز مگر شامل تفتیش بھی ہونا ہے ،انسداد دہشت گردی عدالت کے جج اعجاز احمد بٹر نے عبوری ضمانتوں پر سماعت کی
دوسری جانب لاہور کی انسداد دہشتگردی کی عدالت کے جج اعجاز احمد نے 9 مئی واقعات سے متعلق اسد عمر اور شاہ محمود کی عبوری ضمانتوں کی درخواست پر سماعت کی جس سلسلے میں دونوں افراد عدالت کے سامنے پیش ہوئے ،شاہ محمود نے 3 مقدمات میں ناقابل ضمانت وارنٹ گرفتاری جاری ہونے پرعبوری ضمانتوں کی درخواستیں بھی دائرکی ہوئی ہیں۔ عدالت نے 9 مئی سے متعلق اسد عمر اور شاہ محمود کی عبوری ضمانتوں میں 21 جولائی تک توسیع کرتے ہوئے دونوں کو شامل تفتیش ہونے کا حکم دیا ہے
سیشن کورٹ لاہور ،سٹرک بلاک کرکے پریس کانفرنس کرنے کا مقدمہ ،عدالت نے شاہ محمود قریشی کی عبوری درخواست ضمانت پر فیصلہ محفوظ کرلیا ،عدالت نے وکلاء کے دلائل مکمل ہونے کے بعد فیصلہ محفوظ کیا ،ایڈیشنل سیشن جج نے شاہ محمود قریشی کی ضمانت پر سماعت کی ،وکیل نے عدالت میں دائر درخواست میں موقف اختیار کیا کہ تھانہ ریس کورس پولیس نے مقدمہ درج کررکھا ہے پولیس نے 26 گھنٹے تاخیر سے مقدمہ درج کیا سیاسی بنیادوں پر مقدمہ درج کیا گیا ضمانت دی جائے،
عدالت کے باہر میڈیا سے گفتگو کرتے ہوئے تحریک انصاف کے رہنما شاہ محمود قریشی کا کہنا تھا کہ چیئرمین تحریک انصاف سے ایک نہیں میری کئی ملاقاتیں ہوئی ہیں اس لیے افواہوں پر کان نہ دھریں آئی ایم ایف کے وفد سے آج تحریک انصاف کے سربراہ کی ملاقات ہوگی اپنا مؤقف آئی ایم ایف وفد کے سامنے رکھیں گے کچھ ان کی سنیں گے کچھ اپنی سنائیں گے میں بھی ملاقات میں شامل ہوں گا
قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش
نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی،
وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے
بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات
10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں
