اسلام آباد ہائیکورٹ میں سابق وزیر اعظم عمران خان کی عبوری ضمانت کا کیس ،سابق وزیر اعظم عمران خان کی طرف سے آج حاضری سے استثنیٰ کی درخواست دائر کردی گئی،
عمران خان کی لیگل ٹیم کے رکن بیرسٹر گوہر نے حاضری سے استثنیٰ کی درخواست دائر کی، جس میں کہا گیا کہ پی ڈی ایم کی جانب سے سپریم کورٹ کے باہر احتجاج کیا گیا ہے، عمران خان کی پیشی کے موقع پر امن و امان کا مسئلہ ہوسکتا ہے ،عدالتی حکم پر ضمانتوں کیلئے عمران خان متعلقہ فورمز سے رجوع کررہے ہیں ،آج حاضری سے استثنیٰ کی درخواست منظور کی جائے ، عمران خان نے تھانہ رمنا میں درج مقدمے میں عبوری ضمانت کی درخواست دائر کررکھی ہے
دوسری جانب انسداد دہشتگردی عدالت میں تحریک انصاف کے چیئرمین عمران خان اور دیگر رہنماﺅں کیخلاف دہشتگردی ایکٹ کے تحت درج مقدمہ پر سماعت ہوئی،جج راجہ جواد عباس نے کیس کی سماعت کی،وکیل درخواست گزار نے کہا کہ اسد عمر اور دیگر پی ٹی آئی رہنما گرفتار ہیں ،جج اے ٹی سی نے کہا کہ لسٹ بتا دیں جو پی ٹی آئی رہنما گرفتار ہیں ،پراسیکیوٹر جنرل نے کہاکہ ضمانت قبل ازگرفتاری کے بعد بھی ایک ہی طرح کے جرم کررہے ہیں ،جج اے ٹی سی نے ریمارکس دیتے ہوئے کہا کہ رضا کارانہ طور پر کوئی گرفتاری نہیں دیتا،جو گرفتار نہیں ان کیلئے ساڑھے 3 بجے تک فیصلہ کر لیں گے ،وکیل درخواست گزار نے عدالت میں کہا کہ لاہور میں موجود پی ٹی آئی رہنما عدالت پیش نہیں ہو سکتے پراسیکیوٹر جنرل نے کہا کہ اچھا ہوتا عمران خان پر آن لائن فرد جرم عائد ہو جاتی ،جج راجہ جواد عباس نے ریمارکس دیتے ہوئے کہا کہ اے ٹی سی میں آن لائن کی سہولت موجود ہے ، اے ٹی سی میں ایسی صورتحال آئی تو آن لائن فرد جرد عائد کر دیں گے
وکیل درخواست گزار کی جانب سے استدعا کی گئی ہے کہ تمام پی ٹی آئی رہنماﺅں کی آج حاضری سے استثنیٰ کی درخواست منظور کی جائے عدالت نے استثنیٰ کی درخواستوں پر دلائل کیلئے ساڑھے 11 بجے کا وقت مقرر کردیا ،جج نے ریمارکس دیتے ہوئے کہاکہ ساڑھے 11 بجے دیکھ لیتے ہیں، کچھ رہنما مقصود ہیں اور کچھ مطلوب،وکیل درخواست گزارنے کہا کہ سب کی ایک ہی صورتحال ہے، فی الحال شہید ہونے سے بچایا جائے ،اے ٹی سی جج راجہ جواد عباس نے سماعت میں وقفہ کر دیا
دوسری جانب تحریک انصاف کے چیئرمین عمران خان کے وکیل نعیم حیدر کی ضمانت قبل ازگرفتاری کی درخواست پر سماعت ہوئی، ایڈیشنل سیشن جج سکندر خان نے کیس کی سماعت کی ،عدالت نے استفسار کیا کہ نعیم حیدر کہاں ہیں ؟وکیل نے کہا کہ عمران خان کی پیشی پر نعیم حیدر زخمی ہوئے تھے،نعیم حیدر کا سی ٹی سکین کرانا ہے، آج نہیں آ سکتے ،عدالت نے کہا کہ نعیم حیدر کی حاضری سے استثنیٰ کی درخواست مسترد کرتے ہیں ،عدالت نے کیس کی سماعت میں وقفہ کردیا
ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’
اکبر ایس بابر سچا اور عمران خان جھوٹا ثابت ہوگیا،چوھدری شجاعت
عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ
