عمران سیاسی عدم استحکام کے ذریعے معاشی عدم استحکام چاہتے ہیں۔ وزیر اطلاعات مریم اورنگزیب

وفاقی وزیر اطلاعات و نشریات مریم اورنگزیب نے کہا ہے کہ پاکستان کے عوام چور، منافق اور جھوٹوں کی سیاست مسترد کرچکے ہیں۔

انہوں نے سماجی رابطوں کی ویب سائٹ ٹوئٹر پر فواد چوہدری کےبیان پر ردعمل دیتے ہوئے کہا ہے کہ عمران خان کا انتخابی فریم ورک 2018 ، خیبر پختونخوا، آزاد کشمیر ، گلگت بلتستان، سینیٹ اور ڈسکہ الیکشن میں نظر آ گیا تھا۔چار سال انتخابی فریم ورک کہاں تھا۔

پاکستان کے عوام چور منافق اور جھوٹوں کی سیاست کو مسترد کرچکے ہیں عمران خان کا انتخابی فریم ورک 2018, ، خیبر پختونخوا، آزاد کشمیر ، گلگت بلتستان، سینٹ اور ڈسکہ الیکشن میں نظر آ گیا تھاچار سال انتخابی فریم کہاں تھا؟

— Marriyum Aurangzeb (@Marriyum_A) July 22, 2022

 ن لیگی رہنما نے کہا کہ عمران خان ملک میں سیاسی عدم استحکام کے ذریعے معاشی عدم استحکام پیدا کرنا چاہتے ہیں۔

وفاقی وزیر اطلاعات نے کہا کہ پاکستان اوراس کے عوام عمران، بشری، گوگی مافیاز اور کارٹلز کی چوریوں کے متحمل نہیں ہوسکتے۔

مریم اورنگزیب نے کہا کہ تین اپریل کو عمران خان اقتدار سے الگ ہو چکے ہیں۔ گالی اور دھمکی کے دن گزر گئے، آرام کریں، منہ بند رکھیں اور کام کرنے دیں