اسلام آباد : سندھ میں گورنر راج ,اہم شخصیت نے دھمکی دے دی ،اطلاعات کے مطابق وزیر داخلہ نے سندھ میں گورنر راج لگانے کی دھمکی دے دی۔
تفصیلات کے مطابق وفاقی وزیر داخلہ شیخ رشید احمد نے نجی ٹی وی چینل کے پروگرام سے گفتگو کرتے ہوئے سندھ کی حکمراں جماعت پیپلز پارٹی کو بڑی سیاسی دھمکی دی ہے۔
وزیر داخلہ کا کہنا ہے کہ اگر پی ڈی ایم وفاقی دارالحکومت اسلام آباد میں کوئی حرکت کرتی ہے تو اس کا جواب سندھ میں گورنر راج کے نفاذ کی صورت میں دیا جائے گا۔
پی ڈی ایم نے جوڈو کراٹے کرنے کی کوشش کی تو اس کا جواب سندھ میں دیا جائے گا۔ وزیر داخلہ کا مزید کہنا ہے کہ انہوں نے وزیراعظم کو اپوزیشن کیساتھ معاملات طے کرنے کا مشورہ دیا ہے۔
عمران خان کو کہا ہے کہ ڈھائی سال گزر چکے لہذا اب ساری اپوزیشن کیساتھ بات چیت کریں اور معاملات کو آگے بڑھائیں۔
جو سیاست میں بات چیت کا دروازہ بند کرے وہ سیاستدان ہی نہیں ہے، میں چاہتا ہوں کہ تمام سیاسی جماعتوں سے بات کیا جائے۔
وزیر داخلہ کہتے ہیں کہ اگر اپوزیشن جماعتوں نے اسمبلیوں سے استعفے دیے تو پھر فوج کی تعیناتی کے بنا ضمنی الیکشن کا انعقاد ممکن نہیں ہو پائے گا۔ اس کے لیے تمام بندوبست پہلے ہی کرلیئے ہیں
