بھارت بازی لے گیا !

نئی دہلی : کرکٹ کے میدان سے بھارت کو ایک تازہ خوشخبری مل گئی ہے . اطلاعات کے مطابق بھارت نے سیریز کے پہلے ٹی ٹوئنٹی میچ میں ویسٹ انڈیز کو4وکٹوں سے شکست دیدی،بھارت نے 96رنز کا ہدف 6وکٹوں پرپورا کرلیا.

ذرائع کے مطابق بھارت کے خلاف ٹی ٹوئنٹی سیریز کے پہلے میچ میں ویسٹ انڈیزکی بیٹنگ بری طرح ناکام ہوگئی. ویسٹ انڈیز پہلے بیٹنگ کرتے ہوئے 9وکٹوں پرصرف 95رنز بناسکی، پانچ بلے بازصفرتک محدود رہے. کیرن پولارڈ 49 اورنیکولس پورن 20 رنز بناکرنمایاں رہے ان کے علاوہ کوئی کھلاڑی ڈبل فگرمیں داخل نہ ہوا.

دوسری طرف بھارت کی طرف سے ڈیبیوکرنے والے نودیپ سیانی نے 3 اوربھنشیورکمار نے دو کھلاڑیوں کو آؤٹ کیا. بھارت کے ڈیبیوکرنے والے دوسرے کھلاڑی کرونال پانڈیا،واشنگٹن سندر،خلیل احمد اوررویندرا جدیجہ ایک ایک وکٹ لینے میں کامیاب ہوئے.

بھارت نے ہدف 6وکٹوں پر 17.2اوورز میں پورا کرلیا،،ویسٹ انڈیز کے کوٹرل،نارائن اورپال نے 2،2 وکٹیں حاصل کیں.ڈیبیو کرنے والے نودیپ سیانی کو بہترین باؤلنگ پرمیچ کا بھی بہترین کھلاڑی قرار دیا گیا.