بھارت 5 اگست سے پہلے کی پوزیشن پر واپس جائے ، کشمیریوں پر مظالم بند کرے ، اقوام متحدہ ماہرین کا مطالبہ

اسلام آباد :بھارت کشمیریوں پر مظالم بندکرے اور کشمیر کی متنازعہ حیثیت کو برقرار رکھتے ہوئے 5 اگست سے پہلے والی پوزیشن پر واپس چلا جائے ، ان خیالات کا اظہار اقوام متحدہ کے ماہرین نے کیا ، ماہرین نے کشمیر کی موجودہ صورتحال کا قصور وار مودی کو ٹھہراتے ہوئے فوری طور پر آزادی اظہار رائے اور پر امن احتجاج پر کریک ڈاﺅن ختم کرنے پر زور دیا ۔

تفصیلات کے مطابق اقوام متحدہ کے ماہرن نے کشمیر میں انسانی حقوق کی پامالی کا بھارت کو ذمہ دار قرار دیا ہے ،ماہرین کا کہنا ہے کہ رپورٹس کے مطابق 4 اگست سے مقبوضہ وادی کا دنیا سے کوئی رابطہ نہیں ہے۔ذرائع ابلاغ کی بندش بنیادی حقوق کی خلاف ورزی ہے۔

بھارت کی جانب سے بندشیں خطے میں اندرونی خلفشار کا باعث ہیں۔ وادی میں صحافیوں، حریت رہنماوں اور کارکنوں کی گرفتاریوں سے متعلق بھی آگاہ ہیں۔ گھروں پر چھاپے اور نوجوانوں کی گرفتاریوں پر تشویش ہے۔اقدامات بنیادی حقوق کی خلاف ورزی میں‌ملوث عناصر کے خلاف کارروائی کی جائے۔ خطے میں ضرورت سے زیادہ طاقت کے استعمال پر بھی تشویش ہے،زائد طاقت کا استعمال آخری حربے کے طور پر ہی کیا جائے۔