ہندوستان یا ریپستان، خواتین کے ساتھ زیادتی کی ایسی رپورٹ سامنے آئی کہ بھارت دنیا سے منہ چھپانے لگا

ہندوستان یا ریپستان، خواتین کے ساتھ زیادتی کی ایسی رپورٹ سامنے آئی کہ بھارت دنیا سے منہ چھپانے لگا

باغی ٹی وی کی رپورٹ کے مطابق بھارت میں خواتین کے ساتھ زیادتی کے واقعات بڑھتے چلے جا رہے ہیں، ایک رپورٹ کے مطابق بھارتی ریاست گجرات کو خواتین کے لئے محفوظ سمجھا جاتا تھا تا ہم ایسی رپورٹ سامنے آئی جس نے گجرات کو بھی بے نقاب کر دیا، بھارتی ریاست گجرات میں بھی خواتین کے ساتھ زیادتی کے واقعات میں اضافہ دیکھنے میں آیا ہے.

بھارتی اسٹیٹ کرائم ریکارڈ بیورو کی رپورٹ کے مطابق 2014ء سے اب تک گجرات میں یومیہ ایک خاتون کی عصمت ریزی ریکارڈ کی گئی ہے اور اس طرح 2014سے ستمبر 2019تک 2775 خواتین کے ساتھ زیادتی کے واقعات پیش آئے ۔ گجرات میں ہی سالانہ 12ہزار خواتین کے ساتھ چھیڑ خوانی کے واقعات درج کئے گئے ، رپورٹ کے مطابق یومیہ تین خواتین کو چھیڑ خوانی کا سامنا کرنا پڑا جب کہ یومیہ ایک خاتون اپنی عصمت گنوا بیٹھی ۔

زیادتی کے بعد خاتون کو جلانے والے ملزم گرفتار

خواتین کی حفاظت کے لئے لگائے جائیں گے بسوں میں کیمرے

رپورٹ کے مطابق 2018ء میں خواتین کے ساتھ زیادتی کے سب سے زیادہ واقعات (572) مقدمات درج کئے گئے ۔ جب کہ 2014ء میں عصمت ریزی کے 424 کیس ریکارڈ کئے گئے تھے ۔ سال 2019ء میں ستمبر تک عصمت ریزی کے تقریباً 400 مقدمات درج کئے گئے ہیں ۔

رپورٹ کے مطابق 2014 سے ستمبر 2019تک مجموعی طور پر 2775 خواتین کے ساتھ زیادتی کے مقدمات درج کئے گئے ہیں تا ہم جو واقعات رپورٹ نہیں ہوئے وہ الگ ہیں ۔