ممتاز حیدر
چیمپئنز ٹرافی کے لیے بھارتی ٹیم کے پاکستان نہ آنے پر بھارت کے مشہور اسپورٹس صحافی وکرانت گپتا نے حیران کن اور متنازع منطق پیش کی ہے۔
وکرانت گپتا نے ایک بھارتی کرکٹ ویب سائٹ کے سوشل میڈیا پلیٹ فارم پر بات کرتے ہوئے کہا کہ بھارتی ٹیم کے پاکستان نہ جانے کے فیصلے کو معروف اسلامی اسکالر ذاکر نائیک کے پاکستان کے دورے سے جوڑا جا سکتا ہے۔ ان کا کہنا تھا، "بھارت نے پاکستان کو دہشت گرد تنظیموں اور افراد کی ایک فہرست فراہم کی ہے۔ اگر پاکستان ان کے خلاف کارروائی کرتا تو شاید بھارتی حکومت اپنی ٹیم کو بھیجنے پر راضی ہو جاتی۔”مزید وضاحت کرتے ہوئے انہوں نے کہا، "پاکستانی حکومت نے ذاکر نائیک کا پرجوش استقبال کیا اور انہیں اسٹیٹ گیسٹ کا درجہ دیا۔ یہ فیصلہ دراصل پاکستان کی اپنی پوزیشن کو کمزور کرنے کے مترادف ہے۔” وکرانت گپتا نے یہاں تک کہہ دیا کہ، "پاکستان کو چیمپئنز ٹرافی اور ذاکر نائیک میں سے کسی ایک کا انتخاب کرنا ہوگا۔”
وکرانت گپتا کے اس بیان کا کلپ سوشل میڈیا پر تیزی سے وائرل ہو رہا ہے، اور صارفین اس پر شدید ردعمل دے رہے ہیں۔ ایک صارف نے تبصرہ کیا، "وکرانت محض ہندو انتہا پسند بھارت کے موقف کو چھپانے کی کوشش کر رہے ہیں۔ انہیں بی سی سی آئی کی طرف سے حکم دیا گیا ہے کہ ٹیم کے پاکستان نہ جانے کا کوئی بھی بہانہ گھڑا جائے۔”
اس ساری صورتحال پر پاکستان کرکٹ بورڈ کے چیئرمین محسن نقوی پہلے ہی واضح کر چکے ہیں کہ "چیمپئنز ٹرافی پاکستان میں ہی منعقد ہوگی۔” انہوں نے بھارت کو مشورہ دیا کہ اگر انہیں کوئی تحفظات ہیں تو وہ براہ راست پاکستان کے ساتھ بات چیت کریں۔محسن نقوی نے یہ بھی کہا کہ کھیلوں کو سیاست سے الگ رکھنا ضروری ہے کیونکہ کرکٹ جیسے کھیل خطے میں امن اور تعلقات کو بہتر کرنے کا ذریعہ بن سکتے ہیں۔ انہوں نے بھارت کی جانب سے ٹیم نہ بھیجنے کے غیر منطقی بہانوں کو مسترد کرتے ہوئے کہا کہ "پاکستان بین الاقوامی کرکٹ کی میزبانی کے لیے مکمل طور پر تیار ہے اور ہم کسی بھی قسم کی بات چیت کے لیے کھلے ہیں۔”یہ معاملہ نہ صرف کرکٹ کے شائقین بلکہ دونوں ممالک کے تعلقات پر بھی اثر ڈال رہا ہے، اور دیکھنا یہ ہے کہ آنے والے دنوں میں یہ تنازع کس سمت میں بڑھتا ہے۔
بھارتی کرکٹ بورڈکی چیمپئنز ٹرافی کے انعقاد کو ناکام بنانے کیلئے ایک اور چال
ویڈیو لیک کا خطرہ،بچاؤ کیسے؟آپ کی حفاظت آپ کے اپنے ہاتھ میں
چھ ملین فالورز والی ٹک ٹاکر گل چاہت کی نازیبا ویڈیو بھی لیک
ٹک ٹاکرز خواتین کی نازیبا ویڈیو لیک،کاروائی کیوں نہیں ہو رہی
ٹک ٹاکر مسکان چانڈیو کی بھی نازیبا،برہنہ ویڈیو لیک
مناہل اور امشا کےبعد متھیرا کی ویڈیولیک،کون کر رہا؟ حکومت خاموش تماشائی
نازیبا ویڈیو لیک،وائرل ہونے پر متھیرا کا ردعمل آ گیا
