بھارت نے اسرائیل عرب امارات معاہدے کو خوش آئند قرار دیا

لاہور:اسرائیل کے فطری اتحادی اورپاکستان کے ازلی دشمن بھارت نے امارات اور اسرائیل کے تعلقات کی بحالی کے معاہدے کو خوش آئند قرار دے دیا۔

ٹوئٹر پر ردعمل میں بھارت کے معروف دفاعی اورعالمی حالات پرنظررکھنےوالے سنیئر صحافی سدھنت سبل نے کہا کہ امارات اور اسرائیل معاہدہ امن کی جانب مثبت پیش رفت ہے جو کہ خوش آئند ہے۔

بھارت کے معروف دفاعی اورعالمی حالات پرنظررکھنےوالے سنیئر صحافی سدھنت سبل کا کہنا تھا کہ امریکا، یو اے ای اور اسرائیل کے مابین معاہدے پر گہری دلچسپی سے نظر رکھے ہوئے ہیں اور معاہدہ قابل ستائش ہے۔

ان کا یہ بھی کہنا تھا کہ بھارت اس معاہدے پر بہت زیادہ خوش ہے اس سے بھارت اورعربوں کےدرمیان بھی نئے سرے سے اسٹریٹجک تعلقات میں گرم جوشی آئے گی اورخطے میں بھارت کا ایک مرکزی کردار ہوگا

Breaking: India says it welcomes the normalisation of ties between UAE and Israel; Says, "both nations are key strategic partners of India." pic.twitter.com/VFdWefbweN

— Sidhant Sibal (@sidhant) August 14, 2020

واضح رہے کہ ترکی، ایران ، فلسطینی اتھارٹی اور حماس نے امارات اور اسرائیل معاہدے کو فلسطینی کاز سے غداری قرار دیا ہے۔

صدارتی ترجمان ابراہیم قالن نے کہا کہ اسرائیل اور متحدہ عرب امارات کے درمیان مطابقت فلسطینی عوام اور ان کے حقوق سے انحراف کی تاریخ کا سیاہ باب ہوگا۔

ترجمان نے ٹویٹر پر اسرائیل اور متحدہ عرب امارات کے درمیان معاہدے کے بارے میں ایک پیغام میں کہا کہ تاریخ اس معاہدے کی روشنی میں فلسطینی عوام کے ساتھ کی گئی غداری اور حق تلفیوں کو کبھی فراموش نہیں کرے گی ۔

دوسری جانب فلسطینی اتھارٹی کے صدر محمود عباس نے یو اے ای معاہدہ اور اسرائیل معاہدہ کو مسجد اقصیٰ اور فلسطینی کاز سے غداری قرار دیتے ہوئے عرب لیگ کے ہنگامی اجلاس کا مطالبہ کیا ہے۔

فلسطینی صدر نے معاہد پر ردعمل دیتے ہوئے کہا کہ امریکی صدر کہتے ہیں کہ برف پگھل گئی اصل میں تو اعتماد ختم ہوگیا ہے یو اے ای معاہدہ اور اسرائیل معاہدہ کو مسجد اقصیٰ اور فلسطینی کاز سے غداری ہے۔

فلسطینی اتھارٹی کے صدر محمود عباس نے عرب لیگ کے ہنگامی اجلاس کا مطالبہ کر تے ہوئے کہا کہ معاہدے کو اس فورم پر زیر بحث لایا جائے اور آئندہ کی حکمت عملی بنائی جائے۔