بھارتی اداکارہ شردھا کپورکی پیا گھر سدھارنے کی تیاریاں

ممبئی: بالی ووڈ کے مشہور ولن شکتی کپور کی بیٹی اداکارہ شردھا کپور پیا گھر سدھارنے کی تیاریوں میں لگ گئیں شردھا کپور آئندہ سال تک شادی کے بندھن میں بندھ جائیں گی۔ شردھادیرینہ دوست فوٹو گرافر روہن شریستھا سے شادی کرنے والی ہیں۔ دونوں کے درمیان 2 سال سے تعلقات ہیں اور متعدد جگہوں پر ایک دوسرے کے ساتھ نظر آئے۔یہی وجہ ہے کہ ان دونوں کی محبت بھریں خبریں کافی عرصے سے گردش کررہی ہیں.

بھارتی میڈیا نے خاندانی ذرائع کے حوالے سے کہا ہے کہ دونوں نے اپنے تعلقات کو رشتے میں بدلنے کا فیصلہ کرلیا ہے .شردھا کپور کی جانب سے دلہن بننے کی رضا مندی پر ان کی والدہ بھی خوش ہیں اور انہوں نے بیٹی کی شادی کی تیاریاں بھی شروع کردیں۔ شردھا کپور کی والدہ نے بیٹی کے جہیز کی خریداری شروع کردی۔

شردھا کپور کےاس سے پہلے اداکار فرحان اختر سےتعلقات تھے اور بھارتی میڈیا میں رپورٹس تھیں کہ دونوں شادی بھی کریں گے۔لیکن بعد میں اختلاف کی وجہ سے دونوں میں دوریاں ہوگئیں.

یاد رہے کہ 2017 اور 2018ء بولی وڈ میں شادیوں کا سال رہا اور 2 سال میں انوشکا شرما، دپیکا پڈوکون، پریانکا چوپڑا اور نیہا دھوپیا جیسی اداکاراؤں نے شادی کی۔بالی وڈکی مشہورفلمیں ہیروئن کی شادیاں نہ صرف بھارتی میڈیا کی خبروں کی زینت بنتی ہیں بلکہ ان کی گونج دنیا کے دوسرے ممالک میں بھی سنائی دیتی ہے.