بھارتی فضائیہ کا ایم آئی 17 ہیلی کاپٹر تباہ

بھارتی فضائیہ کا ایم آئی 17 ہیلی کاپٹر تباہ
باغی ٹی وی کی رپورٹ کے مطابق بھارتی فضائیہ کا ایم آئی 17 ہیلی کاپٹر حادثے کا شکار ہو گیا

میڈیا رپورٹس کے مطابق بھارتی فضائیہ کے ہیلی کاپٹر ایم آئی 17 کو خراب موسم کی وجہ سے سکم کے علاقہ مکتانگ میں ایمرجنسی لینڈنگ کرنی پڑی جس کی وجہ سے ہیلی کاپٹر تباہ ہو گیا ہے، ہیلی کاپٹر میں سوار ایک فوجی اہلکار زخمی ہوا ہے جبہ 6 فوجی محفوظ رہے ہیں

بھارتی فضائیہ کے ہیلی کاپٹر میں چار فضائیہ اور دو فوج کے اہلکار سوار تھے، حادثے کی اطلاع ملنے کے بعد دو ہیلی کاپٹروں کو جائے حادثہ پر بھجوایا گیا ۔ قریبی یونٹ سے فوج کی ایک ٹیم بھی بھجوائی گئی جس نے زخمی کو ہسپتال منتقل کیا ۔

بھارتی فضائیہ کا ہیلی کاپٹر چاٹن سے سکم کے علاقے مکتانگ کے لئے پرواز پر تھا کہ اسے خراب موسم کی وجہ سے ایمرجنسی لینڈنگ کرنا پڑی ،ہیلی کاپٹر نے جس مقام پر جانا تھا اسے دس کلومیٹر دور اسکی لینڈنگ ہوئی

بھارتی فضائیہ نے حادثے کی تحقیقات کا حکم دے دیا ہے

واضح رہے کہ گزشتہ برس 27 فروری کو جب پاکستان نے بھارتی طیارے کو گرا کر بھارتی پائلٹ ابھینندن کو گرفتارکیا تھا اسوقت بھارتی فضائیہ نے اپنے ہی ایم آئی 17 ہیلی کاپٹر کو نشانہ بنا دیا تھا ابتدا میں بھارتی سرکار اس پر جھوٹ بولتی رہی بعد میں اعتراف کر لیا،گزشتہ برس ماہ اکتوبر میں بھارتی فضائیہ کے چیف راکیش کمار نے اس بات کا اعتراف کر لیا ہے کہ 27 فروری کو ان کا ہیلی کاپٹر ایم آئی 17 حادثے کا شکار نہیں ہوا تھا بلکہ اسے میزائل کا نشانہ بنایا گیا تھا اس حوالہ سے تحقیقات مکمل ہو گئی‌ ہیں، تحقیقات میں یہ بات سامنے آئی ہے کہ ہیلی خود بھارتی فوج نے غلطی سے گرایا

بادلوں کی وجہ سے طیارے راڈار میں نہیں آتے، بھارتی آرمی چیف کی مودی کے بیان کی تصدیق

بھارتی ائیر فورس نے مقبوضہ کشمیر کے سرینگر ائیر بیس کے سینئر ترین ائر آفیسر کمانڈر کا تبادلہ کر دیا گیا ہے. ائیر آفیسر کمانڈر کے خلاف تحقیقات چل رہی تھیں ، 27 فروری کو پیش آنے والے واقعہ جس میں بھارتی ائیرفورس نے خود ہی اپنے ایم آئی 17 ہیلی کاپٹر کو میزائل مار کر گرا کر تباہ کر دیا تھا ،ابتدائی انکوائری رپورٹ میں یہ بات واضح ہوئی کہ بھارتی ائیر فورس کے افسر کو اس لئے ہٹایا گیا ہے کہ اس کی نگرانی میں یہ حادثہ پیش آیا، واقعہ کے دوران بھارتی ائیر فورس کی متعدد غلطیوں کی بھی نشاندہی ہوئی.